ខេត្តបាត់ដំបង ៖ កម្លាំងកងរាជអាវុធហត្ថខេត្ត បានឃាត់ខ្លួនក្រុមជួញដូរគ្រឿងញៀនចំនួន៤នាក់ កាលពីវេលាម៉ោង១០ និង៣០នាទីព្រឹកថ្ងៃទី៣០ វិច្ឆិកា ស្ថិតនៅចំណុចភូមិអូរចា សង្កាត់អូរចារ ក្រុងបាត់ដំបង។…
ខេត្តបាត់ដំបង ៖ កម្លាំងកងរាជអាវុធហត្ថខេត្ត បានឃាត់ខ្លួនក្រុមជួញដូរគ្រឿងញៀនចំនួន៤នាក់ កាលពីវេលាម៉ោង១០ និង៣០នាទីព្រឹកថ្ងៃទី៣០ វិច្ឆិកា ស្ថិតនៅចំណុចភូមិអូរចា សង្កាត់អូរចារ ក្រុងបាត់ដំបង។
មន្ត្រីកងរាជអាវុធហត្ថបានឲ្យដឹងថា ជនសង្ស័យទាំង៤នាក់ ដែលត្រូវឃាត់ខ្លួនមាន ១-ឈ្មោះឈុំ ឆេត ភេទប្រុស អាយុ៤០ឆ្នាំ ជាកម្មករនៅភូមិព្រែកមហាទេព សង្កាត់ស្វាយប៉ោ ក្រុងបាត់ដំបង ២-ឈ្មោះនាង ប៊ុន
ថាន អាយុ២៨ឆ្នាំ ជាកម្មករ នៅភូមិអូរចា សង្កាត់អូរចា ៣.ឈ្មោះខ្វាន់ រស្មី ភេទស្រី អាយុ២៩ឆ្នាំ មិនពិតប្រាកដ នៅភូមិអូរចា សង្កាត់អូរចា និង៤-ឈ្មោះម៉ៅ វុទ្ធី ភេទប្រុស អាយុ២៩ឆ្នាំ នៅភូមិអូរចា សង្កាត់អូរ
ចា ក្រុងបាត់ដំបង ។
មន្ត្រីដដែលបានបញ្ជាក់ថា ជនសង្ស័យទាំង៤នាក់នេះ ត្រូវកម្លាំងការិយាល័យជំនាញឃាត់ខ្លួន ខណ:ពេលកំពុងប្រព្រឹត្តបទល្មើសជាក់ស្ដែង ហើយថែមទាំងដកហូតថ្នាំញៀនបានមួយចំនួនទៀតផង ។
បើតាមរបាយការណ៍វត្ថុតាង ដែកដកបានរួមមានគ្រឿងញៀនប្រភេទICE(ម៉ាទឹកកក)ចំនួន៤០កញ្ចប់
ស្មើទម្ងន់៥០,០០ក្រាម, ទូរស័ព្ទដៃ២គ្រឿង រួមទាំងសម្ភារវេចខ្ចប់មួយចំនួន ។ សមត្ថកិច្ចបានបញ្ជាក់ដែរ
ថា ជនសង្ស័យទាំង៤នាក់ គឺជាមុខសញ្ញាប្រព្រឹត្តបទល្មើសគ្រឿងញៀន ដែលកម្លាំងជំនាញបានតាម
ដានសកម្មភាពពួកគេជាប្រចាំ រហូតឈានដល់ការឃាត់ខ្លួនតែម្ដង ។
បច្ចុប្បន្ន មន្ត្រីជំនាញកំពុងសួរនាំជនសង្ស័យ ដើម្បីកសាងសំណុំរឿងបញ្ជូនទៅតុលាការចាត់ការតាមនីតិវិធីហើយ ៕
ចែករំលែកព័តមាននេះ