ឥណ្ឌូនេស៊ី៖ តាមប្រភពពីOddity Central បានឲ្យដឹងថា បុរសក្បាលខូចអាយុ២១ឆ្នាំ ត្រូវបានចាប់ ខ្លួន ក្រោយពីអូសក្រឡាស្រីៗស្អាតៗយកទៅដេកជាមួយអស់ជាច្រើននាក់ ដោយប្រើប្រាស់អត្តសញ្ញាណ ប៉ូលិសក្លែងក្លាយ…
ឥណ្ឌូនេស៊ី៖ តាមប្រភពពីOddity Central បានឲ្យដឹងថា បុរសក្បាលខូចអាយុ២១ឆ្នាំ ត្រូវបានចាប់
ខ្លួន ក្រោយពីអូសក្រឡាស្រីៗស្អាតៗយកទៅដេកជាមួយអស់ជាច្រើននាក់ ដោយប្រើប្រាស់អត្តសញ្ញាណ
ប៉ូលិសក្លែងក្លាយ ។
Ari Septian Pratama អាយុ២១ឆ្នាំ នៅកោះស៊ូម៉ាត្រាខាងត្បូង ត្រូវបានប៉ូលិសចាប់ខ្លួន ក្រោយពីក្លែងធ្វើប៉ូលិសបន្លំភ្នែកអ្នកដទៃបានមួយខែ ។ ជនកំហូចរូបនេះ បានកាត់ឯកសណ្ឋានប៉ូលិសក្លែងក្លែង ហើយទិញកាំភ្លើងជ័រមកសៀតនៅចង្កេះ ដើម្បីអួតស្រីៗយកមកដើរលេងជាមួយ ។
គេបានប្រាប់ស្រីៗទាំងនោះថា គេគឺជាកូនរបស់អធិការប្រចាំតំបន់នៅ Southeast Sulawesi និង សាមីខ្លួនផ្ទាល់ គឺជាវេជ្ជបណ្ឌិតប៉ូលិសឯកទេសខាងពិនិត្យបទឃាតកម្មឈ្មោះ ដុកទ័រ Julian Saputra ។
តិចនិចនេះ ពិតជាត្រូវប៉ាន់យ៉ាងខ្លាំង ដោយសារតែស្រីៗមិនតិចជាង១០នាក់ទេ ដែលព្រមលង់ខ្លួនជាមួយនឹងបុគ្គលខាងលើ។ Ari តែងតែសន្យាជាមួយនឹងស្រីៗទាំងអស់នោះថា នឹងរៀបការជាមួយនឹងពួកនាងនៅថ្ងៃខាងមុខ ដើម្បីអូសក្រឡាទាក់ចិត្តយកទៅឡើងគ្រែជាមួយ។ នេះគឺដល់ថ្នាក់ថា ស្រីៗខ្លះដែលចាញ់បោកនោះ មានគូដណ្តឹងរួចទៅហើយ។
ដុកទ័រប៉ូលិសក្លែងក្លាយនេះ ត្រូវបានចាប់ខ្លួននៅថ្ងៃចន្ទពេលព្រឹក ក្រោយពីមានស្រីស្អាតម្នាក់ ដែលរូបគេអូសក្រឡា កើតការសង្ស័យ ។ ពេលប៉ូលិសទៅចាប់ខ្លួន ក៏ឃើញ Ari ស្លៀកសម្លៀកបំពាក់ជាប៉ូលិសមែន។
ក្នុងចម្លើយសារភាព Ari ថា រូបគេមិនបានបោកលុយនរណាម្នាក់ទេ បើទោះបីជាបោកបានខ្លួនប្រាណក៏ដោយ ។ ការដែលរូបគេធ្វើបែបនេះពីដំបូងមក គឺមកពីចង់ឈ្នះ Challenge មួយលើ BigoLive ដែលតម្រូវឲ្យរូបគេពាក់ខោអាវជាប៉ូលិស ។ ប្រសិនបើគេរកឃើញថា Ari ពិតជាមានបំណងក្លែងជាប៉ូលិស និង បោកយកលុយអ្នកដទៃមែន Ari អាចនៅត្រូវជាប់ពន្ធនាគារ ៕
ចែករំលែកព័តមាននេះ