សហរដ្ឋអាមេរិក-រុស្សុី ៖ មួយម៉ោងក្រោយការវាយតម្លៃថា ការជួបគ្នារបស់លោកជាមួយនឹងប្រធានាធិបតីរុស្សុីជាឱកាសសំខាន់បំផុតមួយ ប្រធានាធិបតីអាមេរិកលោក ដូណាល់ ត្រាំ ទីបំផុតបានលុបចោលជំនួបនេះវិញ ខណៈមានភាពតានតឹងខ្លាំងរវាងរុស្សុី និងអ៊ុយក្រែន…
សហរដ្ឋអាមេរិក-រុស្សុី ៖ មួយម៉ោងក្រោយការវាយតម្លៃថា ការជួបគ្នារបស់លោកជាមួយនឹងប្រធានាធិបតីរុស្សុីជាឱកាសសំខាន់បំផុតមួយ ប្រធានាធិបតីអាមេរិកលោក ដូណាល់ ត្រាំ ទីបំផុតបានលុបចោលជំនួបនេះវិញ ខណៈមានភាពតានតឹងខ្លាំងរវាងរុស្សុី និងអ៊ុយក្រែន ។
លោក ត្រាំ កាលពីថ្ងៃទី២៩ វិច្ឆិកា ប្រកាសលុបចោលការជួបគ្នារបស់លោកជាមួយប្រធានាធិបតីរុស្សុីលោក វ្ល៉ាឌីមៀរ ពូទីន នៅខាងក្រៅកិច្ចប្រជុំកំពូល G20 ដែលបើកធ្វើនាថ្ងៃទី៣០ វិច្ឆិកា នៅទីក្រុងប៊ុយណូស៊ែ ប្រទេសអាហ្សង់ទីន។ មួយម៉ោងមុននេះលោកត្រាំវាយតម្លៃថា ការជួបគ្នានោះនឹងប្រព្រឹត្តទៅនាឱកាសដ៏សំខាន់បំផុតមួយពេលមានភាពតានតឹងជាមួយអ៊ុយក្រែន ។
តាម TWITTER លោក ត្រាំ សរសេរថា ដោយសារបណ្ដានាវា និងពួកនាវិកមិនទាន់ត្រូវបានរុស្សុីដោះលែងឲ្យវិលត្រឡប់ទៅអ៊ុយក្រែនវិញខ្ញុំបានសម្រេចថា យកល្អបណ្ដាភាគីដែលទាក់ទិន លុបចោលជំនួបរបស់ខ្ញុំដែលបានគ្រោងទុក នៅអាហ្សង់ទីនជាមួយប្រធានាធិបតីរុស្សុីលោក វ្ល៉ាឌីមៀរ ពូទីន ។
លោកបានធ្វើការប្រកាសនេះតែប៉ុន្មាននាទីប៉ុណ្ណោះ ក្រោយលោកឡើងឧទ្ធម្ភាគចក្រចេញពីសេតវិមាន ទៅឡើងយន្តហោះ AIR FORCE ONE ទៅកាន់ក្រុងប៊ុយណូស៊ែ ។
មុននេះបន្តិចអ្នកនាំពាក្យវិមានក្រឹមឡាំងលោក ឌីមី ឌ្រីប៉េស្កូវ និយាយថា ក្រុងវ៉ាសិុនតោនអះអាងពីការជួបគ្នាទ្វេភាគី នៅខាងក្រៅកិច្ចប្រជុំកំពូល G20 ដោយបញ្ជាក់ថា ការជួបគ្នានេះ ត្រូវបានកំណត់យកថ្ងៃទី១ ធ្នូ ហើយអាចមានរយៈពេលជិត១ម៉ោង ៕
ចុចអាន ៖ មានឈ្មោះជាកិច្ចប្រជុំកំពូល G20 តែមហាអំណាចពាក់មុខយក្សដាក់គ្នា
ចែករំលែកព័តមាននេះ