សាធារណរដ្ឋប្រជាធិបតេយ្យកុងហ្គោ ៖ ក្រសួងសុខាភិបាលកុងហ្គោរាយការណ៍នាថ្ងៃទី២៩ វិច្ឆិកាថា តុល្យការនៃការឆ្លងរាលដាលជំងឺ EBOLA នៅភាគខាងកើតនៃសាធារណរដ្ឋប្រជាធិបតេយ្យកុងហ្គោ មានការកើនឡើងជាមួយអ្នកឆ្លង៤២៦នាក់។ ការឆ្លងរាលដាលនៃជំងឺនេះដែលប្រកាសកាលពីខែសីហាកន្លងទៅ បានសម្លាប់មនុស្សរហូតដល់២៤៥នាក់…
សាធារណរដ្ឋប្រជាធិបតេយ្យកុងហ្គោ ៖ ក្រសួងសុខាភិបាលកុងហ្គោរាយការណ៍នាថ្ងៃទី២៩ វិច្ឆិកាថា តុល្យការនៃការឆ្លងរាលដាលជំងឺ EBOLA នៅភាគខាងកើតនៃសាធារណរដ្ឋប្រជាធិបតេយ្យកុងហ្គោ មានការកើនឡើងជាមួយអ្នកឆ្លង៤២៦នាក់។
ការឆ្លងរាលដាលនៃជំងឺនេះដែលប្រកាសកាលពីខែសីហាកន្លងទៅ បានសម្លាប់មនុស្សរហូតដល់២៤៥នាក់ ក្នុងខេត្តNORD KIVUនិងខេត្ត ITURI ដែលនៅទីនោះការវាយប្រហាររបស់បណ្ដាក្រុមប្រដាប់អាវុធ និងការជំទាស់រារាំងរបស់សហគមន៍មួយចំនួន ចំពោះការងាររបស់បណ្ដាក្រុមសុខាភិបាល បានបំផ្លាញចម្លើយតបខាងសុខាភិបាលរបស់អាជ្ញាធរ។
ចាប់តាំងពីការរកឃើញវីរុសនោះកាលពីឆ្នាំ១៩៧៦មក សាធារណរដ្ឋប្រជាធិបតេយ្យកុងហ្គោ រងការឆ្លងវីរុសនោះ១០លើកហើយរួចលើកនេះធ្ងន់ធ្ងរបំផុត។ ប៉ុន្តែទោះបីយ៉ាងណានៅមិនទាន់ធ្ងន់ធ្ងរដូចការឆ្លងកាលពិីឆ្នាំ២០១៣ទៅ២០១៦ក្នុងប្រទេសអាហ្វ្រិកខាងលិច៣ គឺហ្គីណេ លីបេរីយ៉ានិងសីុរ៉ាឡេអូនឡើយ។ កាលណោះគេជំរឿនឃើញអ្នកឆ្លងជាង២៨.០០០នាក់ក្នុងនោះជាង១១.០០០នាក់បានត្រូវស្លាប់។ នេះបើយោងតាមទិន្នន័យរបស់អង្គការសុខភាពពិភពលោក៕
ចែករំលែកព័តមាននេះ