ខេត្តបាត់ដំបង ៖ សេចក្តីរាយការណ៍បឋមឱ្យដឹងថា សពមនុស្សសល់តែគ្រោងឆ្អឹងប៉ុណ្ណោះ ត្រូវបានអ្នក
ដើររកឃ្មុំម្នាក់ ប្រទះឃើញរត់ទៅរាយការណ៍ជូនសមត្ថកិច្ច ដែលហេតុការណ៍នេះ បង្កការភ្ញាក់ផ្អើលកាល
ពីវេលាម៉ោង០៥ និង៣០នាទីល្ងាចថ្ងៃទី២៩ វិច្ឆិកា ស្ថិតនៅចំណុចជើងភ្នំដានខ្ទីង ក្នុងភូមិទួលខ្ពស់ ឃុំភ្នំព្រឹក ខេត្តបាត់ដំបង ។
សេចក្តីរាយការណ៍បន្តថា ពលរដ្ឋខាងលើ ឈ្មោះគី គា ភេទប្រុស អាយុ៣៣ឆ្នាំ បានឃើញគ្រោងឆ្អឹងមនុស្ស នៅពេលគាត់កំពុងដើររកសត្វឃ្មុំ ។ ទោះបីជាយ៉ាងណា គេមិនដឹងថា សពមនុស្សដែលសល់តែឆ្អឹងនេះ ជាមនុស្សប្រុសឬស្រីនោះទេ ហើយក៏មិនដឹងជាករណីអ្វីកើតឡើងដែរ ។
ក្រោយសមត្ថកិច្ចចុះទៅពិនិត្យរួច ក៏បានប្រមូលឆ្អឹងនោះ ទៅប្រគល់ជូនតាអាចារ្យវត្តគិរីរម្យសន្តិភាព ដើម្បីធ្វើរៀបចំធ្វើបុណ្យតាមទំនៀមទម្លាប់ ប៉ុន្តែសមត្ថកិច្ចក៏កំពុងស្រាវជ្រាវក្នុងរឿងនេះផងដែរ ។
ចែករំលែកព័តមាននេះ