ស្រុកព្រៃនប់-ខេត្តព្រះសីហនុ ៖ ស្ថិតនៅអាកាសយានដ្ឋានអន្តរជាតិ ខេត្តព្រះសីហនុ បានធ្វើសមយុទ្ធជាលក្ខណៈសង្គ្រោះ កាលពីព្រឹកថ្ងៃទី៣០ វិច្ឆិកា ដើម្បីបង្ការក្នុងករណីមានហេតុការណ៍គ្រោះថ្នាក់យន្ត ហោះ ។…
ស្រុកព្រៃនប់-ខេត្តព្រះសីហនុ ៖ ស្ថិតនៅអាកាសយានដ្ឋានអន្តរជាតិ ខេត្តព្រះសីហនុ បានធ្វើសមយុទ្ធជាលក្ខណៈសង្គ្រោះ កាលពីព្រឹកថ្ងៃទី៣០ វិច្ឆិកា ដើម្បីបង្ការក្នុងករណីមានហេតុការណ៍គ្រោះថ្នាក់យន្ត
ហោះ ។
មានរូបភាពមួយចំនួន បានពីកងកម្លាំងមានសមត្ថកិច្ចចេញអន្តរាគមន៍ រូបភាពជនរងគ្រោះ និងរូបភាព
ភ្លើងផ្សែងជាដើម ត្រូវបានដាក់បង្ហាញ ក្នុងប្រតិបត្តិការសមយុទ្ធជាលក្ខណៈសង្គ្រោះ បង្ការក្នុងករណីមានហេតុការណ៍គ្រោះថ្នាក់យន្តហោះណាមួយ ដែលរៀបចំឡើងដោយរដ្ឋលេខាធិការដ្ឋានអាកាសចរណ៍ស៊ីវិលកម្ពុជា សហការជាមួយរដ្ឋបាលខេត្តព្រះសីហនុ ដោយមានការចូលរួមស្ថាប័នពាក់ព័ន្ធនានា មានដូចជាកងកម្លាំងប្រដាប់អាវុធ មន្ត្រីរាជការ ខាងមន្ទីរពេទ្យ និងមន្ត្រីអជ្ញាធរ ដែលនៅក្បែរអាកាសយានដ្ឋានអន្តរជាតិខេត្ត ដែលជាការធ្វើលំហាត់សមយុទ្ធទ្រង់ទ្រាយធំជាលើកទី២ ។
លោកសុវណ្ណ ណារ៉ាក់ នាយកអាកាសយានដ្ឋានអាកាសចរសុីវិល និងលោកឈិន សេងងួន អភិបាលរងខេត្តព្រះសីហនុ ព្រមទាំងមន្ត្រីដឹកនាំការធ្វើសមយុទ្ធថ្លែងថា លំហាត់សមយុទ្ធទ្រង់ទ្រាយធំនេះ ធ្វើឡើងសម្រាប់គ្រប់គ្រងគ្រោះអាសន្នប្រចាំឆ្នាំ (Full Scale Airport Emergency Exercise KOE-EX18) សំដៅធ្វើការហ្វឹកហ្វឺនសាកល្បងដល់អាជ្ញាធរដែនដីភ្នាក់ងារនានា ដែលមានការពាក់ព័ន្ធ ដើម្បីជាបទពិសោធន៍លើការជួយសង្គ្រោះជនរងគ្រោះ នៅពេលមានគ្រោះមហន្តរាយយន្តហោះ ដែលកើតឡើងជាយថាហេតុ នៅក្នុង ឬជុំវិញអាកាសយានដ្ឋានអន្តរជាតិខេត្តព្រះសីហនុ ។
ក្នុងនោះ មានការហ្វឹកហាត់អំពីរបៀបអន្តរាគមន៍ជួយសង្គ្រោះទាន់ពេល ដូចជាផ្នែកពន្លត់អគ្គិភ័យ ផ្នែកសង្គ្រោះបឋម និងការដឹកជញ្ជូនជនរងគ្រោះទៅកាន់មន្ទីរពេទ្យជាដើម ដែលសកម្មភាពនេះ បានប្រើរថយន្តសង្គ្រោះ រថយន្តពន្លត់អាគីភ័យ កងអន្តរាគន៍ពិសេស កងកំលាំងចម្រុះគ្រប់អង្គភាព និងមនុស្សដើរតួជាអ្នករងគ្រោះជាច្រើនសិបនាក់ ដែលនាំឱ្យពិធីលំហាត់សមយុទ្ធ ហាក់បីដូចជាពិតពិត ។
ចែករំលែកព័តមាននេះ