ខេត្តកំពង់ស្ពឺ ៖ គ្រោះថ្នាក់ចរាចរណ៍រវាងរថយន្តបុកជាមួយម៉ូតូ បណ្តាលឱ្យបុរសម្នាក់រងរបួសធ្ងន់ ដែលហេតុការណ៍នេះបានកើតឡើងកាលពីវេលាម៉ោង៧និង២០នាទីយប់ថ្ងៃទី២៨ វិច្ឆិកា ២០១៨ នៅលើផ្លូវក្រាលកៅស៊ូ ចំណុចភូមិសហគមន៍លិច ឃុំភក្ដី ស្រុកបសេដ្ឋ ខេត្ដកំពង់ស្ពឺ ។
ប្រភពពីសមត្ថកិច្ចបានអោយដឹងថា ជនរងគ្រោះឈ្មោះ ឈឺន ចន្ធូន ហៅក្រាយ ភេទប្រុស អាយុ៣៤ឆ្នាំ នៅភូមិអូ ឃុំកាត់ភ្លុក ស្រុកបសេដ្ឋ ខេត្ដកំពង់ស្ពឺ របួសបាក់កំភួនជើងខាងឆ្វេង ជាអ្នកបើកបរម៉ូតូម៉ាកហុងដាវ៉េវ ពណ៌ខ្មៅ ពាក់ស្លាកលេខ ភ្នំពេញ ១K-៨២៦៨។ រថយន្តបង្កម៉ាករ៉ៃណូ បែន ពណ៌ស ពាក់ស្លាកលេខ កំពង់ចាម ៣A-០៥០៨ អ្នកបើកបរបានរត់គេចខ្លួនបាត់ស្រមោល ។
ប្រភពបន្តថា ជនរងគ្រោះមិនមានពាក់មួកសុវត្តិភាពឡើយ ហើយម៉ូតូក៏គ្មានកញ្ចក់មើលក្រោយដែរ បើក
បរពីទិសខាងជើងឆ្ពោះទៅទិសខាងត្បូង លុះមកដល់ចំណុចកើតហេតុក៏ត្រូវរថយន្តមួយគ្រឿងដែលកំពុងបើកបរបញ្ច្រាសទិសគ្នាបុកពេញទំហឹង បណ្តាលអោយអ្នកបើកបរម៉ូតូដួលរងរបួសបាក់ជើងម្ខាងតែម្តង ហើយអ្នកបើកបររថយន្តបាត់គេចខ្លួនបាត់សម្រោល។ ជនរងគ្រោះត្រួវបានប្រជាពលរដ្ឋហៅរថយន្តដឹកយកទៅសង្គ្រោះភ្លាមៗក្រោយពេលកើតហេតុផងដែរ ។
បើតាមការសាកសួរគឺជនរងគ្រោះជាអ្នកទីទាល់ក្ររកមួយថ្ងៃរស់មួយថ្ងៃ ហើយរាល់ថ្ងៃជនរងគ្រោះបើកបរម៉ូតូលក់ទឹកកកឈូសបានលុយបន្តិចបន្តួចយកមកផ្គត់ផ្គង់គ្រួសារ ពេលនេះរងគ្រោះរងរបួសបាក់ជើងទៅហើយ តើអោយប្រពន្ឋកូនគាត់រំពឹងទៅលើអ្វីទៀត។
បន្ទាប់ពីធ្វើកំណត់ហេតុវាស់វែងរួចរាល់ សមត្ថកិច្ចបាននាំយកវត្ថុតាងទាំង២ខាងលើយកមករក្សាទុកនៅអធិការដ្ឋាននគរបាលស្រុកបរសេដ្ឋ ដើម្បីរង់ចាំស្រាវជ្រាវរកម្ចាស់រថយន្តអោយចូលខ្លួនមកដោះស្រាយគ្នាដោយសន្តិវិធី៕
ចែករំលែកព័តមាននេះ