រាជធានីភ្នំពេញ ៖ កម្លាំងនគរបាលបាលប៉ុស្តិ៍ដង្កោ បានធ្វើការចាប់ខ្លួនយុវជនចំនួន៣នាក់ក្នុងចំណោមគ្នា
៤នាក់ដែលជាប់សង្ស័យថា ជាមុខសញ្ញាធាក់ផ្ដួលអ្នកដំណើរតាមផ្លូវប្លន់យកម៉ូតូយ៉ាងសកម្ម កាលពីពេលកន្លងមកហើយតែងគេចខ្លួនរួច ។
ដោយឡែក ចុងក្រោយនេះខណៈពេលកំពុងធ្វើសកម្មភាពធាក់ផ្ដួលបុរសម្នាក់ប្លន់យកម៉ូតូ ត្រូវបានកម្លាំងនគរបាលប៉ុស្តិ៍ដង្កោក្របួចជាប់ជាក់ស្តែង ខណៈកំពុងអនុវត្តន៍តាមបទបញ្ជារបស់លោកវរសេនីយ៍ឯក ជឹម សុីថា អធិការនគរបាលខណ្ឌដង្កោ ល្បាតពួនស្ទាក់បទល្មើសនៅក្នុងមូលដ្ឋាន។
ការឃាត់ខ្លួន ធ្វើឡើងកាលពីវេលាម៉ោង១យប់រំលងអធ្រាត្រ ឈានចូលថ្ងៃទី២៩ វិច្ឆិកា ស្ថិតនៅក្នុងភូមិ
បាគូ សង្កាត់ដង្កោ ខណ្ឌដង្កោ រាជធានីភ្នំពេញ ។ ជនសង្ស័យខាងលើ រួមមាន១-ឈ្មោះ ជិន រ៉ាវី អាយុ១៨ឆ្នាំមុខរបរជាងឈើ ស្នាក់នៅក្នុងភូមិត្រពាំងថ្លឹង សង្កាត់ចោមចៅ១ ខណ្ឌពោធិ៍សែនជ័យ។ ២-ឈ្មោះឃឿន លីយ៉ា អាយុ២០ឆ្នាំ ស្នាក់នៅភូមិព្រៃព្រីង សង្កាត់ចោមចៅ៣ ខណ្ឌពធិ៍សែនជ័យ និង៣-ឈ្មោះ ធី សុធា អាយុ១៨ឆ្នាំ ។
ជនសង្ស័យមានគ្នា៤នាក់ កំពុងធ្វើសកម្មភាពជិះម៉ូតូ២គ្រឿង ដេញតាមធាក់ផ្ដួលបុរសម្នាក់ប្លន់យកម៉ូតូ១គ្រឿង ភ្លាមៗនោះកម្លាំងបានដេញតាមចាប់ខ្លួនបាន៣នាក់ និងដកហូតបានម៉ូតូម៉ាកហុងដាឌ្រីម១គ្រឿង និងដំបងដែល១ដើម ។ ចំណែកបក្សពួកម្នាក់ទៀត បានរត់គេចខ្លួនបាត់ស្រមោល ។
ចែករំលែកព័តមាននេះ