រាជធានីភ្នំពេញ ៖ កាលពីវេលាម៉ោង១០យប់ ថ្ងៃទី២៨ ខែវិច្ឆិកា ឆ្នាំ២០១៨ តាមបណ្តោយផ្លូវជាតិលេខ៦ នៅចំណុចភោជនីដ្ឋានកាដូ ស្ថិតនៅក្នុងសង្កាត់ជ្រោយចង្វារ ខណ្ឌជ្រោយចង្វារ។ សាក្សីដែលឃើញ ហេតុការណ៍បានឲ្យដឹងថា មុនពេលកើតហេតុគេបានឃើញបុរសម្នាក់មិនស្គាល់អត្តសញ្ញាណ បើករថយន្តមួយគ្រឿងម៉ាកឡិចស៊ីស RX-330 ពណ៌ត្រេអ៊ី ពាក់ស្លាកលេខ ខេមរភូមិន្ទ 01 2-0373 បើកបរតាមបណ្តោយផ្លូវជាតិលេខ៦ ក្នុងទិសដៅពីជើងទៅត្បូង។
ខណៈពេលបើកមកដល់ចំណុច កើតហេតុខាងលើនេះ គេបានឃើញរថយន្តបុកម៉ូតូមួយគ្រឿងម៉ាកហុងដាឌ្រីម ពណ៌ខ្មៅ ជិះគ្នា៣នាក់ បុកពេញទំហឹងបណ្តាលឲ្យបុរស៣នាក់ជិះម៉ូតូនោះរងរបួសធ្ងន់ទាំង៣នាក់ សន្លប់ស្តូកនឹងនៅកន្លែងកើតហេតុ ភ្លាមៗនោះដែលរថយន្តបង្កមិនបានឈប់នៅមើលជនរងគ្រោះនោះទេ ក៏បានបើករត់គេចខ្លួនចូលទៅក្នុងភោជនីយដ្ឋានកាដូត្រូវបានសមត្ថកិច្ចឃាត់ជាប់ដើម្បីសួរនាំ។
សមត្ថកិច្ចក៏បានបញ្ជាក់ផងដែរថា ជនរងគ្រោះខាងរថយន្តបង្កគឺជាមិត្តភក្តិនឹងគ្នា ដែលទើបនឹងមក ពីជប់លៀងជាមួយគ្នា ហើយមិនដឹងថាភាគីទាំងសងខាងខឹងគ្នាឬមួយទាស់ពាក្យសម្ដីទេ បានជាខាងម្ចាស់រថយន្តបើកបុកម៉ូតូមិត្តភក្តិខ្លួនឯងឲ្យរងរបួសធ្ងន់នោះឡើយ។ ភ្លាមៗនោះដែររថយន្តសង្គ្រោះរបស់មន្ទីរពេទ្យកាល់ម៉ែតបានមកដល់ដឹកយកជនរងគ្រោះយកទៅព្យាបាលបាត់ទៅ។ ក្រោយពេលកើតហេតុរថយន្ត និងម៉ូតូត្រូវបានសមត្ថកិច្ចធ្វើការវាស់វែងយកទៅរក្សាទុកនៅ ការិយាល័យចរាចរផ្លូវគោករង់ចាំដោះស្រាយគ្នានៅពេលក្រោយទៀត៕
ចែករំលែកព័តមាននេះ