សហរដ្ឋអាមេរិក ៖ អ្នកទោសអាមេរិកម្នាក់ទើបសារភាពថា រូបគេបានសម្លាប់មនុស្សដល់ទៅ៩០នាក់ ដែលអាចឲ្យរូបគេក្លាយជាឧក្រិដ្ឋជនសាហាវជាងគេបំផុតនៃប្រវត្តិសាស្ត្រ និងក្លាយជាឃាតករសម្លាប់មនុស្សច្រើនបំផុតនៅសហរដ្ឋអាមេរិក។
មានអាយុ៧៨ឆ្នាំឃាតករឈ្មោះ SAMUEL LITTLE បានសារភាពថាសម្លាប់មនុស្ស៩០នាក់។
ចំណែកភ្នាក់ងារFBIអះអាងរួចហើយពីការទទួលខុសត្រូវរបស់ជននោះ លើការសម្លាប់មនុស្ស៣៤នាក់ ភាគច្រើនជានារីអន្តោប្រវេសន៍ ពិសេសនារីរកសីុបម្រើផ្លូវភេទឬញៀនថ្នាំ ហើយច្រើនជានារីស្បែកខ្មៅ។ ពួកគេត្រូវសម្លាប់រវាងពីឆ្នាំ១៩៧០ទៅ២០០៥ ក្នុងរដ្ឋប្រមាណជា១៥។
អតីតកីឡាករប្រដាល់រូបនោះ សម្លាប់បណ្ដាជនរងគ្រោះដោយដាល់យ៉ាងខ្លាំងឬដោយច្របាច់ករ មុនពេលយកសាកសពរបស់ពួកគេទៅបោះចោលនៅតាមចិញ្ចើមថ្នល់ តាមជម្រៀលផ្លូវឬក្នុងគំនរសម្រាម។ ដោយពុំមានស្នាមត្រូវគ្រាប់កាំភ្លើង ឬស្នាមចាក់នឹងកាំបិត មនុស្សច្រើននាក់ដែលរូបគេសម្លាប់ត្រូវបាន គេគិតថាស្លាប់ដោយប្រើថ្នាំញៀនច្រើនហួស ដោយគ្រោះថ្នាក់នានាឬស្លាប់ដោយធម្មជាតិ។ នេះជាការពន្យល់របស់ប៉ូលិសសហព័ន្ធក្នុងសេចក្ដីប្រកាសមួយ។
ត្រូវចាប់ខ្លួនជាច្រើនលើកពីបទចាប់រំលោភ ចាប់ពង្រត់មនុស្ស ឬដោយសារអំពើហិង្សាឯទៀតៗ ការសង្ស័យសម្លាប់មនុស្សមានតែ២លើក កាលពីដើមទសវត្សឆ្នាំ១៩៨០។ ជាប់ទាក់ទិននឹងការបាត់ខ្លួនយុវនារី២នាក់ រូបគេក្រោយមកត្រូវបានដោះលែង មកពីគ្មានភស្ដុតាងគ្រប់គ្រាន់។ គឹរហូតដល់ឆ្នាំ២០១២ទើបកងកម្លាំងប៉ូលិស ស្រាវជ្រាវរកឃើញការទទួលខុសត្រូវពិតប្រាកដរបស់គេ ក្នុងការសម្លាប់នារីទាំង២នាក់នោះ។ ត្រូវចាប់ខ្លួនក្នុងក្របខណ្ឌរត់ំពន្ធគ្រឿងញៀន តាមរយៈការពិនិត្យNDAរបស់គេ ជននោះពាក់ព័ន្ធនឹងការសម្លាប់នារី៣នាក់នៅក្រុងឡូសអេនចឺឡេស រវាងឆ្នាំ១៩៨៧និង១៩៨៩។
សវនាការកាត់ទោសជននេះ នាឆ្នាំ២០១៤សម្រេចកាត់ទោសរូបគេដាក់គុកអស់មួយជីវិត។ ក្រោយការកាត់ទោសរូបគេប៉ូលិសសហព័ន្ធបន្តពិនិត្យសំណុំរឿងចាស់ៗ រួចក្នុងខែឧសភាឆ្នាំ២០១៨ ពួកអ្នកស៊ើបអង្កេតបានទៅសួរចម្លើយគេទៀតនៅក្នុងគុក ហើយគេក៏សារភាពថាបានសម្លាប់មនុស្សរហូតដល់៩០នាក់់ឯណោះ៕
ចែករំលែកព័តមាននេះ