ប្រទេសអាហ្វហ្គានីស្ថាន ៖ បណ្ដាសាក្សី និងបណ្ដាអ្នកទទួលខុសត្រូវមូលដ្ឋាន រាយការណ៍នាថ្ងៃទី២៨វិច្ឆិកាថា ជនស៊ីវិលអាហ្វហ្គានីស្ថានយ៉ាងតិច៣០នាក់បានត្រូវស្លាប់ ក្នុងការវាយប្រហារតាមអាកាសរបស់អាមេរិកមួយ ក្នុងខេត្តហែលម៉ង់ ភាគខាងត្បូងអាហ្វហ្គានីស្ថាន។
បេសកកម្មរបស់អូតង់នៅអាហ្វហ្គានីស្ថានថ្លែងថា ប៉ុស្តិ៍មួយកន្លែងរបស់ទាហានអាហ្វហ្គានីស្ថាននិងបណ្ដាទីប្រឹក្សាយោធាអាមេរិក កាលពីយប់ថ្ងៃទី២៧ វិច្ឆិ្កា រងការវាយប្រហាររបស់ពួកតាលីបង់ក្នុងស្រុកGARMSIR។ កងយោធាបានស្នើសុំការជួយធ្វើអន្តរាគមន៍របស់កងយន្តហោះ ប៉ុន្តែគេពុំដឹងឡើយដែលបណ្ដាជនស៊ីវិលស្ថិតនៅជុំវិញទីនោះដែរ។
យោងតាមប្រជាជនម្នាក់នៃតំបន់នោះថា នារីច្រើននាក់និងកុមារ១៦នាក់ស្ថិតក្នុងចំណោមអ្នកស្លាប់។ តំបន់នោះស្ថិតក្រោមការត្រួតត្រារបស់ពួកតាលីបង់ ប៉ុន្តែជនរងគ្រោះទាំងអស់ដោយសារការវាយប្រហារតាមអាកាស កាលពីីយប់ថ្ងៃទី២៧វិច្ឆិកាសុទ្ធតែជាជនស៊ីវិល។
ជនស៊ីវិលអាហ្វហ្គានីស្ថានយ៉ាងតិច៨០៥០នាក់បានត្រូវស្លាប់និងរបួស រយៈពេល៩ខែដំបូងនៃឆ្នាំ២០១៨នេះ ហើយជិតពាក់កណ្ដាលរងគ្រោះដោយសារការវាយប្រហារអត្តឃាតឬគ្រាប់បែកច្នៃ៕
ចែករំលែកព័តមាននេះ