រាជធានីភ្នំពេញ ៖ កម្លាំងនគរបាលនៃអធិការដ្ឋានខណ្ឌដូនពេញបានបើកប្រតិបត្តិការចុះបង្ក្រាបគ្រឿង
ញៀននៅតំបន់ផ្លូវរថភ្លើង R6 ដោយបានធ្វើការឃាត់ខ្លួនបុរសជាជនសង្ស័យម្នាក់ និងដកហូតបានថ្នាំញៀនចំនួន២កញ្ចប់ធំ។
ប្រតិបត្តិការចុះបង្ក្រាបខាងលើនេះគឺធ្វើឡើងកាលពីវេលាម៉ោង៣និង៣០នាទីរសៀលថ្ងៃទី២៨ ខែវិច្ឆិកា ឆ្នាំ២០១៨ ដែលស្ថិតនៅតាមបណ្តោយផ្លូវរថភ្លើងR6 ក្នុងសង្កាត់ស្រះចក ខណ្ឌដូនពេញ ។
តាមប្រភពព័ត៌មានពីនគរបាលបានប្រាប់ឱ្យដឹងថា ជនសង្ស័យម្នាក់ខាងលើឈ្មោះ តារា ចាន់ ភេទប្រុស អាយុ២៥ឆ្នាំ មុខរបរើសអេតចាយ មានទីលំនៅក្នុងសង្កាត់ទឹកថ្លា ខណ្ឌសែនសុខ រាជធានីភ្នំពេញ។
ប្រតិបត្តិការបង្ក្រាបគ្រឿងញៀននេះដែរបានគឺបានធ្វើឡើងបន្ទាប់ពីកម្លាំងនគរបាលនៃអធិការនគរបាលខណ្ឌដូនពេញធ្វើស្រាវជ្រាវទើបឈានទៅដល់ការឃាត់ខ្លួនជនសង្ស័យម្នាក់ខាងលើ ដោយដកហូតបានថ្នាំញៀនចំនួន២កញ្ចប់ធំ និងថង់ប្លាស្ទិចមួយចំនួនទៀត។
ក្រោយមកកម្លាំងនគរបាលខណ្ឌដូនពេញបាននាំជនសង្ស័យជួញដូរថ្នាំញៀនយ៉ាងសកកម្មម្នាក់ខាងលើ រួមទាំងថ្នាំញៀនទាំង២កញ្ចប់ធំ និងវត្ថុតាងមួយចំនួនទៀតបញ្ជូនមកកាន់អធិការដ្ឋាននគរបាលខណ្ឌ ដើម្បីធ្វើការសាកសួរ និងកំណត់ហេតុ។
បច្ចុប្បន្នបុរសជាជនសង្ស័យជួញដូរគ្រឿងញៀនម្នាក់ខាងលើ រួមជាមួយនឹងវត្ថុតាង ត្រូវសមត្ថកិច្ចឃុំខ្លួនជាបណ្ដោះអាសន្ននៅអធិការដ្ឋាននគរបាលខណ្ឌដូនពេញ ដើម្បីកសាងសំណុំរឿងបញ្ជូនទៅកាន់សាលាដំបូងរាជធានីភ្នំពេញ ដើម្បីផ្តន្ទាទោសតាមច្បាប់ជាបន្តទៅទៀត ៕
ចែករំលែកព័តមាននេះ