ខេត្តរតនគិរី ៖ សេចក្តីរាយការណ៍បឋមឲ្យដឹងថា កាលពីព្រឹកថ្ងៃទី២៨ វិច្ឆិកា កម្លាំងសមត្តកិច្ចនគរបាលនាយកដ្ឋានព្រហ្មទណ្ឌក្រសួងមហាផ្ទៃ សហការជាមួយកម្លាំងនគរបាលខេត្តកោះកុង ខេត្តកំពត និងស្រុក អូរយ៉ាដាវ…
ខេត្តរតនគិរី ៖ សេចក្តីរាយការណ៍បឋមឲ្យដឹងថា កាលពីព្រឹកថ្ងៃទី២៨ វិច្ឆិកា កម្លាំងសមត្តកិច្ចនគរបាលនាយកដ្ឋានព្រហ្មទណ្ឌក្រសួងមហាផ្ទៃ សហការជាមួយកម្លាំងនគរបាលខេត្តកោះកុង ខេត្តកំពត និងស្រុក
អូរយ៉ាដាវ ព្រមទាំងអង្គភាពការពារសិទ្ធិកុមារកម្ពុជា ហៅកាត់ថា CPU បានសហការជាមួយកម្លាំងស្នងការដ្ឋាននគរបាលខេត្តរតនគិរី ធ្វើការស្រាវជ្រាវឈានដល់ការចាប់ខ្លួនពិរុទ្ធជនឈ្មោះ សុខ ផាន ហៅ(យឹង ឌី ឬយឹង សំណាង) ភេទប្រុស អាយុ៥០ឆ្នាំ មានស្រុកកំណើតនៅភូមិសែនពន្លូង ឃុំសំរោង ស្រុកទូកមាស ខេត្តកំពត ។
សមត្ថកិច្ចឱ្យដឹងថា ក្រោយពីធ្វើសកម្មភាពសម្លាប់កុមារម្នាក់នៅខេត្តកោះកុង ជនសង្ស័យរូបនេះ បាន
រត់ទៅសម្ងំលាក់ខ្លួនធ្វើការឲ្យក្រុមហ៊ុនឥណ្ឌា ស្ថិតនៅភូមិពាក់ ឃុំយ៉ាទុង ស្រុកអូរយ៉ាដាវខេត្តរតនគិរី ។
ការចាប់ខ្លួនពិរុទ្ធជនជាឃាតករខាងលើនេះ គឺជាការអនុវត្តតាមអំណាចសាលក្រមលេខ១៥២ ចុះថ្ងៃទី៣ កញ្ញា ឆ្នាំ២០១០ របស់សាលាដំបូងខេត្តកោះកុង ដែលបានផ្ដន្ទាទោសជនជាប់ចោទដាក់ពន្ធនាគារអស់
មួយជីវិត ពាក់ព័ន្ធករណីឃាតកម្មគិតទុកជាមុនប្រព្រឹត្តនៅភូមិព្រែកស្មាច់ ឃុំកោះស្ដេច ស្រុកគីរីសាគរ ខេត្ត កោះកុង កាលពីថ្ងៃទី១៨ ធ្នូ ឆ្នាំ២០០៩ ដែលជនរងគ្រោះជាកុមារ ។
ក្រោយពីចាប់ខ្លួនពិរុទ្ធជនបានហើយ ត្រូវបានកម្លាំងសហការប្រគល់ឲ្យទៅសមត្ថកិច្ចខេត្តកោះកុង ដែលជាម្ចាស់ករណី ដើម្បីនាំខ្លួនអនុវត្តទោសតាមអំណាចសាលក្រម គឺគុកមួយជីវិត ៕
ចែករំលែកព័តមាននេះ