ខេត្តកណ្តាល ៖ ជនសង្ស័យត្រូវជាបងថ្លៃបានលួងលោមប្អូនថ្លៃទាំងនាងមានផ្ទៃពោះបីខែ ដោយសារប្តីរបស់នាងទៅរត់ម៉ូតូឌុបបាត់រំលោភបានសម្រេចមួយដង ។ ហេតុការណ៍នះបានកើតឡើងនៅថ្ងៃទី២៨ ខែវិច្ឆិកា ឆ្នាំ២០១៨ វេលាម៉ោង០២និង០០នាទី ចំណុចកើតហេតុនៅក្នុងបន្ទប់ផ្ទះជួលភូមិពោធិ៍តូច…
ខេត្តកណ្តាល ៖ ជនសង្ស័យត្រូវជាបងថ្លៃបានលួងលោមប្អូនថ្លៃទាំងនាងមានផ្ទៃពោះបីខែ ដោយសារប្តីរបស់នាងទៅរត់ម៉ូតូឌុបបាត់រំលោភបានសម្រេចមួយដង ។ ហេតុការណ៍នះបានកើតឡើងនៅថ្ងៃទី២៨ ខែវិច្ឆិកា ឆ្នាំ២០១៨ វេលាម៉ោង០២និង០០នាទី ចំណុចកើតហេតុនៅក្នុងបន្ទប់ផ្ទះជួលភូមិពោធិ៍តូច ឃុំកំពងលួង ស្រុកពញាឮ ខេត្តកណ្តាល ។
ជនសង្ស័យឈ្មោះ ជា កុសល ភេទប្រុស អាយុ៣០ឆ្នាំ ជនជាតិខ្មែរ មុខរបរសន្តិសុខ មានទីលំនៅភូមិកោះចិន ឃុំកោះចិន ស្រុកពញាឮ ខេត្តកណ្តាល (ឃាត់ខ្លួន) រីឯជនរងគ្រោះឈ្មោះ ស.ច.ថ ភេទស្រី អាយុ១៨ឆ្នាំ ជនជាតិខ្មែរ មុខរបរនៅផ្ទះ មានទីលំនៅស្រុកពញាឮ ខេត្តកណ្តាល ។
នគរបាលស្រុកពញ្ញាឮបានអោយដឹងថា មុនពេលកើតហេតុជនរងគ្រោះកំពុងនៅក្នុងបន្ទប់ជួលលេខ៥តែម្នាក់ឯងដោយមានផ្ទៃពោះបីខែកន្លះរង់ចាំប្តីមកពីរត់ម៉ូតូវិញ ។ ជួនពេលនោះដែរបងថ្លៃរបស់ជនរងគ្រោះឈ្មោះ ជា កុសល បានមកស្នាក់នៅដេកនៅក្នុងបន្ទប់ជួលជាមួយជនរងគ្រោះ ។
រហូតដល់វេលាម៉ោង២រំលងអធ្រាត្រជនរងគ្រោះនៅតែម្នាក់ឯងពុំឃើញប្ដីត្រឡប់មកវិញឡើយឃើញ ដូច្នេះជនសង្ស័យជាបងថ្លៃបានហៅជនរងគ្រោះមកចូលដេកនៅក្នុងមុងជាមួយខ្លួន ក្នុងខណៈនោះជនរងគ្រោះបានចូលដេកជាមួយជនសង្ស័យដោយខ្លាចខ្មោចមិនហ៊ានដេកម្នាក់ឯង ឆ្លៀតពេលនោះជនសង្ស័យបាននិយាយលួងលោមរួចធ្វើសកម្មភាពចាប់រំលោភជនរងគ្រោះរហូតបានសម្រេចតែម្តង ។
ក្រោយមកជនរងគ្រោះបានមកដាក់ពាក្យបណ្តឹងនៅប៉ុស្តិ៍កំពង់លួង រួចមកកម្លាំងប៉ុស្តិ៍បានសហការជាមួយជំនាញចុះស្រាវជ្រាវឃាត់ខ្លួនជនសង្ស័យបញ្ជូនមកកាន់អធិការដ្ឋាននគរបាលស្រុកពញាឮដើម្បីធ្វើសាកសួរចាត់ការតាមនីតិវិធី ៕
ចែករំលែកព័តមាននេះ