ខេត្តស្ទឹងត្រែង ៖ ពិរុទ្ធជនម្នាក់ ដែលត្រូវសមត្ថកិច្ចចាប់ខ្លួនតាមដីកាបញ្ជាឲ្យចូលខ្លួនរបស់អយ្យការអមសាលាដំបូងរាជធានីភ្នំពេញ ពាក់ព័ន្ធនឹងអំពើឃាតកម្ម ស្រាប់តែនៅវេលាម៉ោង១រំលងអធ្រាត្រថ្ងៃទី២៨ វិច្ឆិកា ក៏បានចង.កធ្វើអត្តឃាតសម្លាប់ខ្លួននៅក្នុងបន្ទប់ឃុំខ្លួនបណ្តោះអាសន្ននៃស្នងការដ្ឋាននគរបាលខេត្ត។ ការចង.កសម្លាប់ខ្លួនរបស់ពិរុទ្ធជននេះ គឺបន្ទាប់ពីត្រូវបានចាប់ខ្លួន…
ខេត្តស្ទឹងត្រែង ៖ ពិរុទ្ធជនម្នាក់ ដែលត្រូវសមត្ថកិច្ចចាប់ខ្លួនតាមដីកាបញ្ជាឲ្យចូលខ្លួនរបស់អយ្យការអមសាលាដំបូងរាជធានីភ្នំពេញ ពាក់ព័ន្ធនឹងអំពើឃាតកម្ម ស្រាប់តែនៅវេលាម៉ោង១រំលងអធ្រាត្រថ្ងៃទី២៨ វិច្ឆិកា ក៏បានចង.កធ្វើអត្តឃាតសម្លាប់ខ្លួននៅក្នុងបន្ទប់ឃុំខ្លួនបណ្តោះអាសន្ននៃស្នងការដ្ឋាននគរបាលខេត្ត។
ការចង.កសម្លាប់ខ្លួនរបស់ពិរុទ្ធជននេះ គឺបន្ទាប់ពីត្រូវបានចាប់ខ្លួន កាលពីវេលាម៉ោង៥ និង២៥នាទីល្ងាចថ្ងៃទី២៧ វិច្ឆិកា ដោយកម្លាំងនគរបាលព្រហ្មទណ្ឌខេត្ត សហការនគរបាលព្រហ្មទណ្ឌក្រសួងមហាផ្ទៃ និងនគរបាលមូលដ្ឋានប៉ុស្តិ៍រដ្ឋបាលស្រែឫស្សី ។ តាមសមត្ថកិច្ចឱ្យដឹងថា ជនជាប់ពិរុទ្ធរូបនេះ គឺជាឃាតករសម្លាប់មនុស្សនៅរាជធានីភ្នំពេញ ដោយបានគេចខ្លួនមកសម្ងំរស់នៅខេត្តស្ទឹងត្រែង ។
ការចាប់ខ្លួនជនជាប់ពិរុទ្ធជាឃាតករនេះ សមត្ថកិច្ចបានអនុវត្តតាមដីកាបញ្ជាឲ្យចូលខ្លួនលេខ៣២៦ ចុះថ្ងៃទី១៦ វិច្ឆិកា ២០១៨ របស់លោក ស្រី ម៉ាកនី ព្រះរាជអាជ្ញារងអមសាលាដំបូងរាជធានីភ្នំពេញ ។ តាមដីកាបញ្ជាឲ្យចូលខ្លួនបានបង្ហាញថា ជនជាប់ពិរុទ្ធនេះឈ្មោះ ជឹង ប៊ុននីន ហៅ ជឹង នីន ភេទប្រុស អាយុ៣៤ឆ្នាំ មុខរបរមិនពិតប្រាកដ មានទីលំនៅភូមិសំរោងទាវ សង្កាត់ក្រាំងធ្នង់ ខណ្ឌសែនសុខ រាជធានីភ្នំពេញ ពាក់ព័ន្ធប្រព្រឹត្តបទល្មើសក្នុងអំពើឃាតកម្ម ។
ជនជាប់ពិរុទ្ធនេះត្រូវបានសមត្ថកិច្ច កំពុងធ្វើការសាកសួរនៅស្នងការដ្ឋាននគរបាលខេត្ត ហើយនឹងត្រូវប្រគល់ជូនទៅកម្លាំងនាយកដ្ឋាននគរបាលព្រហ្មទណ្ឌក្រសួងមហាផ្ទៃដើម្បីនាំមកភ្នំពេញបន្តនីតិវិធី ។ ក្រោយពេលសាកសួរ នៅដំណាក់កាលសមត្ថកិច្ចនគរបាលខេត្តស្ទឹងត្រែងចប់សព្វគ្រប់ហើយ ពិរុទ្ធជនរូបនេះត្រូវបានកម្លាំងនាយកដ្ឋានព្រហ្មទណ្ឌផ្ញើទុកនៅទីនោះមួយយប់សិន និងមានគម្រោងនាំខ្លួនមកកាន់សាលាដំបូងរាជធានីភ្នំពេញ នៅព្រឹកថ្ងៃទី២៨ វិច្ឆិកា ដើម្បីប្រគល់ជូនលោក ស្រី ម៉ាកនី ព្រះរាជអាជ្ញារងដែលកាន់សំណុំរឿងនេះ ស្រាប់តែនៅយប់នោះពិរុទ្ធជនរូបនេះក៏បានចង.កសម្លាប់ខ្លួនក្នុងបន្ទប់ឃុំខ្លួនតែម្តង ។
ចងកសម្លាប់ខ្លួនក្នុងមន្ទីរឃុំឃាំងនៅអធិការដ្ឋានខណ្ឌច្បារអំពៅ
រាជធានីភ្នំពេញ ៖ ជនសង្ស័យម្នាក់បានចងកសម្លាប់ខ្លួន នៅក្នុងបន្ទប់ឃំុឃាំងនៃអធិការដ្ឋាននគរបាលខណ្ឌច្បារអំពៅ និងបង្កការភ្ញាក់ផ្អើលជាខ្លាំងកាលពីវេលាម៉ោង១រសៀលថ្ងៃទី២៨ ខែវិច្ឆិកា។ ជនសង្ស័យឈ្មោះ គឹម ឈុនទូច ភេទប្រុស អាយុ៣៦ឆ្នាំ មុខរបរមិនពិតប្រាកដ ស្នាក់នៅភូមិដើមមាក់ក្លឿ សង្កាត់ច្បារអំពៅទី១ ខណ្ឌច្បារអំពៅ ។ ជនសង្ស័យរូបនេះមានផ្ទុកសារធាតុញៀន និងមានផ្ទុកមេរោគអេសដ៍ផងដែរ ។
អធិការរងនគរបាលខណ្ឌច្បារអំពៅ ទទួលផែនយុត្តិធម៌ លោកវរសេនីយ៍ទោ ម៉ៅ សឿតថ្លែងប្រាប់កេាះសន្តិភាពនារសៀលថ្ងៃដដែលនោះថា ជនសង្ស័យដែលចងកធ្វើអត្តឃាតនេះត្រូវបាននគរបាលឃាត់ខ្លួនកាលពីយប់ថ្ងៃទី២៥ខែវិច្ឆិកាកន្លងទៅ ក្រោយពេលរូបគេធ្វើសកម្មភាពគាស់ផ្ទះប្រជាពលរដ្ឋលួចទ្រព្យសម្បត្តិ ។ រហូតមកទល់នឹងព្រឹកថ្ងៃកើតហេតុ កម្លាំងជំនាញបានកសាងសំណំុរឿងត្រៀមបញ្ជូនជនសង្ស័យរូបនេះទៅកាន់សាលាដំបូងរាជធានីភ្នំពេញ ដើម្បីបន្តនីតិវិធីតាមផ្លូវច្បាប់ ។
លោកអធិការរងបន្តថា នៅព្រឹកថ្ងៃនោះលោក អ៊ំុ សុភក្ត្រ ព្រះរាជអាជ្ញារងនៃអយ្យការអមសាលាដំបូងរាជធានីភ្នំពេញ បានសម្រេចចោទប្រកាន់ជនសង្ស័យខាងលើពីបទលួច ។ ក្រោយការចោទប្រកាន់រួច ជនសង្ស័យត្រូវបានបញ្ជូនទៅឃំុខ្លួននៅអធិការដ្ឋាននគរបាលខណ្ឌជាបណ្តេាះអាសន្នវិញសិន រង់ចាំបញ្ជូនទៅកាន់សាលាដំបូងវិញនារសៀលថ្ងៃដដែលម្តងទៀត ដើម្បីចៅក្រមស៊ើបសួរ និងសម្រេចថា តើត្រូវបញ្ជូនទៅពន្ធនាគារឬយ៉ាងណា ?
ប្រភពដដែលបន្តថា នៅវេលាជិត១រសៀលនគរបាលបានឃំុជនសង្ស័យខាងលើក្នុងបន្ទប់ឃំុឃាំងរបស់សមត្ថកិច្ចដ ោយឃំុខ្លួនរួមគ្នាជាមួយជនសង្ស័យម្នាក់ទៀត ។ លុះនៅវេលាម៉ោង១រសៀល ជនសង្ស័យរូបនេះក៏បានចងកសម្លាប់ខ្លួនតែម្តង ដោយយកក្រណាត់ជូតការ៉ូហែកជាចម្រៀកៗរួចចងកភ្ជាប់នឹងស៊ុមទ្វារបន្ទប់បណ្តាលឲ្យស្លាប់តែម្តង ខណៈដែលជនសង្ស័យម្នាក់ទៀតកំពុងដេកលក់ ហើយនគរបាលចេញទៅហូបបាយ ។
ក្រោយកើតហេតុ កម្លាំងនគរបាលផ្នែកកោសល្យវិច័យនៃស្នងការដ្ឋានរាជធានីភ្នំពេញ បានចុះមកដល់ដើម្បីពិនិត្យនិងធ្វើកោសល្យវិច័យសព ។ ក្រោយការពិនិត្យយ៉ាងល្អិតល្អន់រួចមក នគរបាលជំនាញបញ្ជាក់ថា ជនសង្ស័យពិតជាស្លាប់ដោយសារចងកធ្វើអត្តឃាតប្រាកដមែន ពំុមែនជាករណីអ្វីផ្សេងឡើយ ៕
ចែករំលែកព័តមាននេះ