តាមប្រភពពី Metro បានឱ្យដឹងថា បុរសម្នាក់ក្បែរនឹងអស់ជីវិត ក្រោយពេលវះកាត់បំពេញខ្លាញ់គូទឱ្យមានរាងដូចតារាស្រី Kim Kardashian ។ បើទោះបីជាធ្លាប់ជួបបទពិសោធន៍អាក្រក់ក៏ដោយ ក៏បុរសស្រឡាញ់រាងតារាស្រីរូបនេះ នៅតែជះលុយ៥០០០ផោនបន្ថែមទៀត សម្រាប់ការបំពេញខ្លាញ់ជាលើកទីពីរ។
Jordan Parke អាយុ២៧ឆ្នាំ មកពី Dudley, West Midlands បានជះលុយ៨៥០០ផោន សម្រាប់ការវះកាត់លើកទីមួយ (បំពេញខ្លាញ់គូថទ) នៅ Istanbul ប្រទេសទួរគី ។ ការវះកាត់លើកនោះ បានធ្វើឱ្យគាត់ក្បែរនឹងស្លាប់ ដោយសារតែមានការបង្ករោគហូរខ្ទុះចេញពីកន្លែងវះកាត់។
អស់រយៈពេល២ខែ ទម្រាំតែអ្វីៗអាចប្រសើរឡើងវិញបាន។ ពេលនេះ Parke បានហោះទៅទួគីម្តងទៀត ដើម្បីធ្វើឱ្យគូទកាន់តែធំជាងមុន ដោយព្រមជះលុយ៥០០០ផោន ។ Parke បានប្រាប់ថា គ្មានគ្លីនិកណានៅអង់គ្លេស ហ៊ានចាក់បំពេញឱ្យគូទរបស់គាត់ធំបែបនេះទេ ។ នេះទាល់តែគាត់ហោះទៅប្រទេសក្រៅទើបមាន។
ក្រោយការវះកាត់លើកទី២ បាន៨ថ្ងៃ Parke មានអារម្មណ៍រីករាយយ៉ាងខ្លាំង ហើយនឹងបន្តធ្វើការវះកាត់តទៅមុខទៀតនៅថ្ងៃក្រោយ ៕
ចែករំលែកព័តមាននេះ