ADផ្ទាំងផ្សព្វផ្សាយពាណិជ្ជកម្ម

កំពុងតែយកជ័រព្នៅត្បៀតក្បៀកហើយ ទិញស្លាកលេខគេយកមកបំពាក់

5 ឆ្នាំ មុន

ភ្នំពេញ
២៨ ខែ វិច្ឆិកា ឆ្នាំ ២០១៨ ម៉ោង ២៣:៣៣

រាជធានីភ្នំពេញ ៖ បុរសវ័យក្មេងម្នាក់ជាម្ចាស់រថយន្តម៉ាក កូរ៉ូឡា បានប្រទះឃើញស្លាកលេខរថយន្ត របស់ខ្លួនដែលមានលេខ ភ្នំពេញ ២H-០៦២១ ដែលត្រូវបានចោរលួចដោះយកបាត់អស់រយៈពេល ២ឆ្នាំមកហើយ នៅម្តុំស្ទឹងមានជ័យ ហើយត្រូវបានប្រទះឃើញគេយកទៅប្រើប្រាស់បំពាក់ជាប់នឹង រថយន្តម៉ាក កូរ៉ូណា ចង្កូតស្តាំមួយគ្រឿងទៀត ដែលគេ យកមកដាក់បញ្ឈរលក់នៅរបងសួនកុមារ ក្បែរវត្តភ្នំ។ ខណៈដែលរូបគាត់កំពុងតែធ្វើដំណើរតាមផ្លូវ ជួបដោយចៃដន្យនោះ និងប្តឹងកម្លាំង មានសម្ថកិច្ចមូលដ្ឋានឲ្យជួយធ្វើអន្តរាគមន៍ឃាត់ទុក និងដើម្បីរកម្ចាស់មក ធ្វើការដោះស្រាយគ្នាផងដែរ។

ហេតុការណ៍នេះដែរបានបង្ករឱ្យ មានការភ្ញាក់ផ្អើលកើតឡើងកាលពីវេលាម៉ោង១១ និង១៥នាទីព្រឹក ថ្ងៃទី ២៨ ខែវិច្ឆិកា ឆ្នាំ២០១៨ នៅចំណុចរបងសួនកុមារ (ក្បែរវត្តភ្នំ) ផ្លូវលេខ១០២ ក្នុងសង្កាត់វត្តភ្នំ ខណ្ឌដូនពេញ។ តាមប្រភពព័ត៌មានពីសមត្ថកិច្ចបានប្រាប់ឱ្យដឹងថា មុនពេលកើតហេតុ បុរសរសវ័យក្មេងជាម្ចាស់ស្លាកលេខរថយន្ត ដែលមានលលេខ ភ្នំពេញ ២H-០៦២១ បានធ្វើដំណើរតាមរថយន្តម៉ាក កូរ៉ូឡា របស់គាត់ជិះឆ្លងកាត់តាមបណ្តោយផ្លូវលេខ ១០២។ លុះមកដល់ចំណុចសួនច្បារកុមារខាងត្បូងវត្តភ្នំខាងលើ ក៏ស្រាប់តែបានប្រទះឃើញស្លាកលេខ រថយន្តរបស់គាត់ដែលត្រូវបានចោរលួចដោះយកបាត់ពីផ្ទះរបស់គាត់នៅម្តុំស្ទឹងមានជ័យ កាលពីឆ្នាំ ២០១៦ មកម្លេះរហូតមកដល់ពេលនេះគឺមានរយៈពេល ២ឆ្នាំមកហើយ ដោយត្រូវបានគេយកមក ប្រើប្រាស់ បំពាក់លើរថយន្ត ម៉ាក កូរ៉ូណា ចង្កូតស្តាំ ពណ៌ទឹកប្រាក់ ដាក់បញ្ឈរលក់ដោយចៃដន្យនោះ។

តាមប្រភពដដែលបានប្រាប់បន្តទៀតថា នៅពេលដែលបុរសជាម្ចាស់បានប្រទះឃើញស្លាករថយន្ត របស់ខ្លួន ដែលមានលេខភ្នំពេញ ២H-០៦២១ ត្រូវបានគេយកទៅបំពាក់លើរថយន្តមួយគ្រឿងទៀតនោះ ទើបគាត់រត់ទៅប្តឹងនគេបាលប៉ុស្តិ៍វត្តភ្នំបានដឹងឲ្យជួយធ្វើអន្តរាគមន៍ឃាត់រថយន្តខាងលើទុក ដើម្បីស្រាវជ្រាវរកម្ចាស់មកធ្វើការដោះស្រាយគ្នា។ ក្នុងពេលនោះដែរ ក៏មានបុរសវ័យជាង ៥០ឆ្នាំម្នាក់ ជាម្ចាស់រថយន្តម៉ាក កូរ៉ូណា ចង្កូតស្តាំ ដែលយកស្លាកលេខគេមកពាក់នេះចេញមុខចូលខ្លួន មកធ្វើការដោះស្រាយជាមួយនឹងបុរសជាម្ចាស់រថយន្តម៉ាក កូរ៉ូឡា ដែលជាម្ចាស់ស្លាកលេខដើមផងដែរ។

ដោយរូបគាត់បានអះអាងថា <<ស្លាកលេខមួយនេះរូបគាត់បានទិញពីគេដែរ>> និងបានធ្វើការដោះស្រាយជាមួយ ដោយយល់ព្រមដោះស្លាកលេខរថយន្តមួយនោះចេញពីរថយន្ត របស់ខ្លួន និងផ្តល់ជាសំណងមួយចំនួន ដើម្បីបញ្ចប់រឿងនៅនឹងកន្លែងផងដែរ។ ក្រោយពេលកើតហេតុ ថ្វីបើភាគីទាំងម្ចាស់រថយន្តទាំង២យល់ព្រម ដោះស្រាយបញ្ចប់រឿងនៅនឹងកន្លែង ដោយ ផ្តល់ជាសំណងមួយចំនួនបញ្ចប់រឿងនៅនឹងកន្លែងតែគ្នាឯងមែន តែដោយសាតែកន្លែងកើតហេតុ និងម្ចាស់រថយន្ត ម៉ាកកូរ៉ូឡា បានដាក់ពាក្យបណ្តឹងនៅនគរបាលប៉ុស្តិ៍មានជ័យក្រោយពេលបាត់នោះ ទើបសម្រេចបញ្ជូនទាំងរថយន្តម៉ាក កូរ៉ូណា និងបុរសជាម្ចាស់ទៅដោះស្រាយគ្នាបន្តទៅទៀត៕