ខេត្តសៀមរាប ៖ ឱសថស្ថានរង(ខ)ខេមរា ហួសសុពលភាពរយៈពេល៦ខែ ត្រូវបានកម្លាំងការិយាល័យនគរបាលប្រឆាំងបទល្មើសសេដ្ឋកិច្ចខេត្ត ចុះត្រួតពិនិត្យ ខណៈពេលនោះម្ចាស់ឱសថ បានបង្ហាញនៅវិក័យបត្រ បង់ប្រាក់របស់សាលាក្រុង ដែលបានទៅដាក់ពាក្យសុំអាជ្ញាប័ណ្ណបន្ត កាលពីថ្ងៃទី៤ ខែមិថុនា ឆ្នាំ២០១៨ កន្លងទៅ រហូតមកដល់ថ្ងៃទី២៨ ខែវិច្ឆិកា ឆ្នាំ២០១៨ នៅមិនទាន់ឃើញ ។
ដល់ពេលសមត្ថកិច្ចសួរទៅទើបតំណាងម្ចាស់ទីតាំងបានទូរស័ព្ទទៅសាលាក្រុង ដែលអ្នករត់ការឱ្យពួកគាត់ បានប្រហែលជិត២ម៉ោង ទើបឃើញប័ណ្ណយកមកបង្ហាញឱ្យសមត្ថកិច្ចឃើញ រួចកម្លាំងក៏ចូលទៅក្នុងពិនិត្យមើលថ្នាំគ្រប់ប្រភេទ ក្រែងមានក្លែងក្លាយ ប៉ុន្តែមិនបានឃើញដូចការសន្និដ្ឋាននោះទេ ហើយក៏ធ្វើការណែនាំដល់អ្នកលក់ ឱថសស្ថាននោះ ត្រូវមានការប្រុងប្រយ័ត្ន ក្នុងការទិញថ្នាំយកមកលក់ឱ្យប្រជាពលរដ្ឋផងដែរ។
ហេតុការណ៍ចុះត្រួតពិនិត្យឱថសស្ថានរង(ខ)ខេមរា ហួសសុពលភាពរយៈពេល៦ខែ នោះបានធ្វើឡើងនៅថ្ងៃទី២៨ ខែវិច្ឆិកា ឆ្នាំ២០១៨ ស្ថិតនៅខាងក្រោយផ្សារលើធំថ្មី ក្នុងភូមិដកពោធិ៍ សង្កាត់ស្លក្រាម ក្រុង/ខេត្តសៀមរាប។
បើតាមប្រភពពីកម្លាំងការិយាល័យនគរបាលប្រឆាំងបទល្មើសសេដ្ឋកិច្ចខេត្ត ដែលចុះត្រួតពិនិត្យឱសថស្ថានរង(ខ)ខេមរា ហួសសុពលភាពរយៈពេល៦ខែនោះ បានមានប្រសាសន៍ថា ឱសថស្ថាននេះ បានសុំអាជ្ញាប័ណ្ណបន្ត ទៅមន្ទីរសុខាភិបាលខេត្តសៀមរាប និងច្រកចេញចូលតែមួយនៅសាលាក្រុង តាំងពីថ្ងៃទី៤ ខែមិថុនា ឆ្នាំ២០១៨ ប៉ុន្តែមិនដឹងយឺតយ៉ាវ ខាងមន្ទីរ ឬខាងសាលាក្រុងទេ។
ប្រភពបានបន្តថា រហូតមកដល់សមត្ថកិច្ចយើងចុះត្រួតពិនិត្យនិង ឆែកឆេរកប័ណ្ណ ដែលចែញដោយមន្ទីរសុខាភិបាលនៅមិនទាន់ឃើញទៀត។ ប្រភពបានបញ្ជាក់ថា តំណាងម្ចាស់ទីតាំងបានអះអាងនៅមុខសមត្ថកិច្ចយើងថា ពួកគាត់បានសុំបន្តអាជ្ញាប័ណ្ណ ជាយូរខែមកហើយ ប៉ុន្តែខលទៅសួរអ្នករត់ការឱ្យថា មិនទាន់បានទេ រង់ចាំផ្នែកជំនាញ(ថ្ងៃនេះ ថ្ងៃនោះ)មិនចេះចប់ រហូតដល់សមត្ថកិច្ចចុះមក ទើបពួកខ្ញុំ ខល ទៅសួរម្តងទៀត ទើបឃើញខាងសាលាក្រុងចេញប័ណ្ណមកឱ្យ ទើបពួកខ្ញុំ មានការរំភើបបន្តិច បើមិនដូច្នោះទេ កន្លែងលក់ថ្នាំរបស់ខ្ញុំ មុខជាសមត្ថកិច្ចបិតជាក់ជាមិនខានឡើយ ហើយប័ណ្ណដែលចេញយកមកឱ្យនោះ គឺចេញតាំងពីថ្ងៃទី១៨ ខែកញ្ញា ឆ្នាំ២០១៨ ដោយលោក ពៅ សារ៉ាវុធ អភិបាលរងក្រុងសៀមរាប។
ចែករំលែកព័តមាននេះ