ខេត្តស្វាយរៀង ៖ លោកម៉ែន វិបុល អភិបាលនៃគណៈអភិបាលខេត្ត បានថ្លែងជម្រុញដល់លោកអភិបាលក្រុងស្វាយរៀងថ្មីដែលទើបតែប្រកាសឲ្យចូលកាន់ដំណែងត្រូវចេះសាមគ្គីភាព ឯកភាពផ្ទៃក្នុងជាមួយមន្ត្រីក្រោមឱវាទ និងត្រូវអនុវត្តការងារដែលបានដាក់ចេញឲ្យមានប្រសិទ្ធភាព ។
ក្នុងនោះការពារសន្តិសុខសុវត្ថិភាពសណ្តាប់ធ្នាប់សង្គមឲ្យបានល្អប្រសើរ ជូនប្រជាពលរដ្ឋ លុបបំបាត់បងតូច បងធំនិងគ្រឿងញៀនចោរលួចចោរ ឆក់ឲ្យអស់ពីមូលដ្ឋាន បន្ថែមជាងនេះទៅទៀតត្រូវអនុវត្តគោលនយោបាយភូមិ-ឃុំមានសុវត្ថិភាពឲ្យទទួលបានជោគជ័យ។
លោកម៉ែន វិបុល អភិបាលខេត្តបានថ្លែងបែបនេះកាលពីព្រឹកថ្ងៃទី២៨ ខែវិច្ឆិកា ឆ្នាំ២០១៨ ក្នុងឱកាសអញ្ជើញជាអធិបតីប្រកាសឲ្យចូលកាន់តំណែងជាផ្លូវការអភិបាលក្រុងស្វាយរៀងដោយលោក ណុប ចំរើន ជំនួសលោក យូ ប៊ុន្នី ត្រូវដាក់ឲ្យចូលនិវត្តន៍។
ក្នុងពិធីនោះដែរ ក៏មានការប្រកាសចូលកាន់តំណែងអភិបាលរងក្រុងស្វាយរៀងម្នាក់និងនាយករដ្ឋបាលក្រុងម្នាក់ផងដែរ ហើយក៏មានការអញ្ជើញចូលរួមពីអស់លោក លោកស្រីជាចៅសង្កាត់ មន្ដ្រីរាជការកងកម្លាំងប្រដាប់អាវុធក្នុងខេត្តជាច្រើនរូបផងដែរ ។ ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព ៕
ចែករំលែកព័តមាននេះ