រាជធានីភ្នំពេញ៖តារាចម្រៀងជើងចាស់លោកមិញ សុធីវណ្ណ ម្ចាស់បទ«លក់ស្រែចូល បារ» បានប្រកាសដំណើរការផេកផ្លូវការផ្ទាល់ខ្លួនមួយ ដោយក្នុងផេកនោះលោកប្រើសម្រាប់បង្ហោះបទចម្រៀង និងស្នាដៃ ចាស់ៗកន្លងមក ។ វាមិនខុសពីឃ្លាំងឯកសារ…
រាជធានីភ្នំពេញ៖តារាចម្រៀងជើងចាស់លោកមិញ សុធីវណ្ណ ម្ចាស់បទ«លក់ស្រែចូល បារ» បានប្រកាសដំណើរការផេកផ្លូវការផ្ទាល់ខ្លួនមួយ ដោយក្នុងផេកនោះលោកប្រើសម្រាប់បង្ហោះបទចម្រៀង និងស្នាដៃ ចាស់ៗកន្លងមក ។ វាមិនខុសពីឃ្លាំងឯកសារ និងទុកសម្រាប់បង្ហោះស្នាដៃថ្មីរបស់លោកដើម្បីកុំឲ្យមហាជនពិបាកស្វែងរក ។
នាពេល ថ្មីៗកន្លងមកលោកមិញ សុធីវណ្ណលើកឡើងថា លោកចង់ចូលរួមចំណែកដើម្បីលើកស្ទួយស្នាដៃចម្រៀងរបស់ខ្មែរដែលបានខិតខំប្រឹងប្រែងរិះរក និងផលិតឡើងយ៉ាងល្អ តាមរយៈ Page Facebook ផ្លូវការរបស់លោកដែលបានបង្កើតឡើង ហើយក្នុងនោះបទចម្រៀងដ៏ល្បី តាំងពីជំនាន់ឆ្នាំ៩០ជាង គឺបទ «លក់ស្រែចូលបារ» ក៏ត្រូវបានបញ្ចូលបទភ្លេងថ្មី មានលក្ខណៈទំនើប និងទាន់សម័យ ដើម្បីឲ្យទស្សនិកជនស្ដាប់កម្សាន្តអារម្មណ៍ និងមានលក្ខណៈប្លែកពីមុនផងដែរ ។
មហាជនពិតជាធ្លាប់បានស្តាប់រួចមកហើយនូវបទចម្រៀងដែលល្បីកាលពីជំនាន់ឆ្នាំ៩០ជាង គឺបទ«លក់ស្រែចូលបារ» ក្រោមសំនៀងរបស់លោកមិញ សុធីវណ្ណ ដែលស្តាប់ទៅសប្បាយទាក់ចិត្ត គ្រប់មហាជនក្នុង និងក្រៅស្រុក ។ ដើម្បីរក្សាកេរ្តិ៍ឈ្មោះបទនេះ លោកមិញ សុធីវណ្ណ បានកែសម្រួលបទចម្រៀងរបស់លោកឲ្យមានលក្ខណៈទំនើបទាន់សម័យ សមតាមជំនាន់យុវវ័យសម័យថ្មី។ ក្រោយបានស្តាប់ឃើញថាប្លែក ហើយជារសជាតិថ្មីមួយទៀត សមជារៀមច្បងសិល្បៈ ប្រកបដោយជំនាញពិត ។
លោកមិញ សុធីវណ្ណ ត្រូវមហាជនទូទាំងប្រទេសទទួលស្គាល់ថា ជាតារាចម្រៀងមានបទពិសោធន៍មួយដួង អាចនិពន្ធបទភ្លេងបានដោយខ្លួនឯង និងមានទឹកដមសំឡេងពីរោះរណ្តំមានការចូលចិត្តពីទស្សនិកជន ។ ក្រោយពេលឆក់បានភាពល្បីឈ្មោះ លោកធ្លាប់ក្លាយជាគណៈកម្មាការប្រឡងចម្រៀង វាយតម្លៃសមត្ថភាពសំឡេង រលកក្រោយបានជាច្រើននាក់ដែលជាថ្នាលថ្មីនៃសិល្បៈបន្តវេន ។ ពេលនេះលោកត្រៀមចេញផេកជាផ្លូវការមួយ មានឈ្មោះថា «Suthyvann Studio Recording» ដែលផលិតចម្រៀងខ្លួនឯងផង និងទទួលបំពេញការងារទាក់ទងនឹងបទចម្រៀងជូនអ្នកត្រូវការផលិតចម្រៀងផងដែរ។
យ៉ាងណាមិញលោកបានខិតខំការពារស្នាដៃដែលកសាងបានកន្លងទៅ ពិសេសបទចម្រៀងដែលបន្សល់ទុក ជាមរតកឲ្យរលកក្រោយបានឈ្វេងយល់ ។ តាមការឲ្យដឹងបទ «លក់ស្រែចូលបារ» គោលបំណងដែលលោកបង្កើត Page នេះឡើងគឺទី១ ចង់បង្ហាញនូវការសាងស្នាដៃលោកបានប្រឡូកវិស័យតន្ត្រី និងចម្រៀងតាំងពីទសវត្សរ៍៨០ ដែលទទួលបានការគាំទ្រកន្លងមក រហូតដល់បច្ចុប្បន្ននេះ ទីដល់មហាជនទូទៅក៏ដូចជា ប្អូនៗ យុវវ័យជំនាន់ក្រោយឲ្យបានស្គាល់ ។
ទី២ស្របពេលនឹងការវិវឌ្ឍតន្ត្រីបច្ចុប្បន្ន កំពុងរីកចម្រើនការតែនិពន្ធបទថ្មី Original Song ផងនោះ លោកក៏ដូចជារួមចណែក ធ្វើឲផុសផុលឡើងថែមទៀត ។
ទី៣លោកក៏មានវ័យចំណាស់ហើយដែរ គឺចង់បន្សល់នូវស្នារដៃឲ្យបានច្រើនថែមទៀត សម្រាប់បម្រលអារម្មណ៍មហាជនទូទៅ នៅក្នុងជីវិតចុងក្រោយរបស់លោក ។ Page មួយនេះនឹងមានចេញចម្រៀង ថ្មីៗស្នាដៃកូនខ្មែរ ក្នុងន័យលើកកម្ពស់សិល្បៈចម្រៀងខ្មែរ ។ លើសពីនេះលោកមានគម្រោង យកតារាចម្រៀងថ្មីចាស់ជាច្រើនដួង ចូលជាសមាជិកដើម្បីច្រៀងតាមផែនការចែកជូនអ្នកគាំទ្រ ៕
ចែករំលែកព័តមាននេះ