ប្រទេសចិន ៖ តាមអាជ្ញាធរមូលដ្ឋានបានរាយការណ៍ឱ្យដឹងថា ការផ្ទុះឆេះនៅជិតរោងចក្រគីមីមួយ ស្ថិតក្នុងខេត្តហ៊ឺបី ភាគខាងជើងចិន បណ្ដាលឲ្យមនុស្សស្លាប់យ៉ាងតិច២២នាក់ និងរបួស២២នាក់ កាលពីព្រឹកថ្ងៃទី២៨ វិច្ឆិកា ២០១៨។
សោកនាដកម្មនោះកើតមាននៅមុខរោងចក្រគីមី ខណៈរថយន្តកាមីញ៉ុងមួយដែលដឹកបណ្ដាផលិតផលគ្រោះថ្នាក់បានផ្ទុះឆេះ។ ភ្លើងបន្ទាប់មកបានរាលដាលឆេះរថយន្តឯទៀតៗដែលនៅជុំវិញ និងដល់រោងចក្រគីមីរបស់ក្រុមហ៊ុន HEBEI SHENGHUA CHEMICAL។ ហើយរថយន្តធុនធ្ងន់៣៨គ្រឿង និងរថយន្តឯទៀតៗ១២គ្រឿងរងការបំផ្លាញ។ ការផ្ទុះឆេះពិតជាខ្លាំង ហើយរាតត្បាតតំបន់នោះ។
អាជ្ញាធរបានបើកការស៊ើបអង្កេតមួយ រួចលទ្ធផលពិតណាស់ចេញមិនយូរ ព្រោះទីក្រុង ZHANGJIAKOU ខេត្តហ៊ឺបី ជាទីតាំងមួយក្នុងចំណោមទីតាំង ដែលគេត្រៀមសម្រាប់ការប្រកួតកីឡាអូឡាំពិករដូវរងាក្រុងប៉េកាំងឆ្នាំ២០២២។ រោងចក្ររងការបំផ្លាញស្ថិតនៅចម្ងាយតែប្រមាណជា១០គីឡូម៉ែត្រ ពីកន្លែងគ្រោងសម្រាប់ការប្រកួតកីឡានោះ៕
ចែករំលែកព័តមាននេះ