រាជធានីភ្នំពេញ ៖ គ្រោងឆ្អឹងសាកសពមនុស្សម្នាក់ត្រូវបានឃាតករដៃឆៅកាត់ជាពីរកំណាត់ រួចយកមួយកំណាត់ច្រកបាវទៅបោះនៅក្នុងដីឡូត៍មួយកន្លែង រហូតដល់ស្អុយរលួយនៅសល់តែគ្រោងឆ្អឹង ដែលបង្ក ឱ្យមានការភ្ញាក់ផ្អើលកាលពីម៉ោង៧និង១០នាទីព្រឹក ថ្ងៃទី២៨ ខែវិច្ឆិកា ឆ្នាំ២០១៨…
រាជធានីភ្នំពេញ ៖ គ្រោងឆ្អឹងសាកសពមនុស្សម្នាក់ត្រូវបានឃាតករដៃឆៅកាត់ជាពីរកំណាត់ រួចយកមួយកំណាត់ច្រកបាវទៅបោះនៅក្នុងដីឡូត៍មួយកន្លែង រហូតដល់ស្អុយរលួយនៅសល់តែគ្រោងឆ្អឹង ដែលបង្ក
ឱ្យមានការភ្ញាក់ផ្អើលកាលពីម៉ោង៧និង១០នាទីព្រឹក ថ្ងៃទី២៨ ខែវិច្ឆិកា ឆ្នាំ២០១៨ នៅចំណុចដីឡូត៍មួយកន្លែង ចម្ងាយប្រមាណជិត២០០ម៉ែត្រពីផ្លូវទំនប់កប់ស្រូវ ស្ថិតក្នុងភូមិត្រពាំងពោធិ៍ សង្កាត់គោករការ ខណ្ឌព្រែកព្នៅ។
សពមួយកំណាត់នោះ ពុំត្រូវបានគេស្គាល់អត្តសញ្ញាណឡើយ ហើយមានលក្ខណៈហើមស្អុយរលួយនៅសល់តែគ្រោងឆ្អឹងទៅហើយ ។
តាមនគរបាលបានឱ្យដឹងថា នៅមុនពេលកើតហេតុ មានបុរសជាកម្មករសំណង់ម្នាក់បានទៅបត់ជើងក្នុងដីឡូត៍នោះ ស្រាប់តែប្រទះឃើញសពស្អុយរលួចសល់តែគ្រោងឆ្អឹងច្រកក្នុងថង់ក៏រាយការណ៍ប្រាប់នគរបាល ដើម្បីចុះត្រួតពិនិត្យ ហើយបង្កឱ្យមានការភ្ញាក់ផ្អើលឡើងតែម្តង។
តាមព័ត៌មានឱ្យដឹងថា សពខាងលើនេះត្រូវបានគេកាត់ជាពីកំណាត់ ហើយយកមួយកំណាត់ផ្នែកខាងក្បាលច្រកថង់យកទៅបោះក្បែរគំនរសំរាមក្នុងដីឡូត៍នោះ។ សពខាងលើនេះ ត្រូវបានឃាតករច្រកថង់ខ្មៅ រុំស្កុតក្បាល រួចច្រកក្នុងបាវដាក់ខោអាវបោះចោល រហូតរលួយសល់តែគ្រោងឆ្លឹង ។
តាមនគរបាលបានឱ្យដឹងថា សពខាងលើនេះជាមនុស្សប្រុស ហើយត្រូវបានឃាតករសម្លាប់នៅកន្លែងណាមួយ ហើយកាត់យកមួយកំណាត់ផ្នែកខាងក្បាលច្រកថង់ រុំស្កុតក្បាលយកទៅបោះចោល ។ តាមនគរបាលបានឱ្យដឹងថា សពនេះអាចស្លាប់រយៈពេលប្រមាណមួយខែមកហើយ ៕
ចែករំលែកព័តមាននេះ