ប្រទេសចិន ៖ សារព័ត៌មានផ្លូវការចិនមួយលាតត្រដាងកាលពីថ្ងៃទី២៦ វិច្ឆិកា ថាមហាសេដ្ឋីលោក ជេក ម៉ា ស្ថាបនិកក្រុមហ៊ុនយក្សចិន ALIBABA ជាអ្នកមានបំផុតរបស់ចិន…
ប្រទេសចិន ៖ សារព័ត៌មានផ្លូវការចិនមួយលាតត្រដាងកាលពីថ្ងៃទី២៦ វិច្ឆិកា ថាមហាសេដ្ឋីលោក ជេក ម៉ា ស្ថាបនិកក្រុមហ៊ុនយក្សចិន ALIBABA ជាអ្នកមានបំផុតរបស់ចិន ជាសមាជិកបក្សកុំមុយនីស្តចិន ។
ភាពជាសមាជិកបក្សកុំមុយនីស្តចិនរបស់លោក ជេក ម៉ា ត្រូវលាតត្រដាងដោយកាសែតប្រជាជនចិន ក្នុងអត្ថបទមួយដែលសរសើរបណ្ដាតួអង្គដែលជួយអភិវឌ្ឍន៍ប្រទេស ។ ពាណិជ្ជកររូបនោះដែលកាលពីមុនធ្លាប់អះអាងថា លោកពុំឡូកឡំចូលក្នុងរឿងនយោបាយនោះ បានចូលក្នុងជួរបក្សកុំមុយនីស្តចិន មានសមាជិកប្រមាណជា៨៩លាននាក់ រួមជាមួយឥស្សរជនមានទ្រព្យសម្បត្តិច្រើនទាំងឡាយ ដួចជាលោក XU JIANYIN សេដ្ឋីខាងអចលនទ្រព្យ និងជាស្ថាបនិកក្រុមហ៊ុន EVERGRANDE ជាដើម ។
កាសែតនោះគូសបញ្ជាក់ជាពិសេសថា លោក ជេក ម៉ា ដើរតួនាទីសំខាន់ក្នុងការបង្កើតផ្លូវសូតថ្មីៗ ជាកម្មវិធីវិនិយោគដ៏មហាសាលរបស់ចិន ពិសេសនៅអាសីុ និងអឺរ៉ុប ៕
ចែករំលែកព័តមាននេះ