រាជធានីភ្នំពេញ៖ គណៈប្រតិភូរដ្ឋសភាកម្ពុជាដឹកនាំដោយលោក ងួន ញ៉ិល អនុប្រធានទី ១រដ្ឋសភា និងជាប្រធានក្រុមសភាជាតិកម្ពុជា សភាតំបន់អាស៊ី នឹងអញ្ជើញចូលរួមកិច្ចប្រជុំគ ណៈកម្មាធិការប្រតិបត្តិលើកទី២ និងមហាសន្និបាតតំបន់អាស៊ី (APA)លើកទី១១ ដែលនឹង ប្រព្រឹត្តិទៅចាប់ពីថ្ងៃទី២៧ ខែវិច្ឆិកា ដល់ថ្ងៃទី៤ ខែធ្នូ ឆ្នាំ២០១៨ នៅទីក្រុងអ៊ីស្តង់ប៊ុលសាធារណ រដ្ឋទួកគី ។
យោងតាមសេចក្តីប្រកាសព័ត៌មានរបស់អគ្គលេខាធិការដ្ឋានរដ្ឋសភាបានឲ្យដឹងថា កិច្ចប្រជុំលើកទី១១នេះនឹងលើកយកប្រធានបទស្តីពី «ការជម្រុញឲ្យមានការរីកចម្រើនសេដ្ឋកិច្ច នៅតំបន់អាស៊ី» ។
មហាសន្និបាតនេះនឹងមានការចូលរួមពីថ្នាក់ដឹកនាំរដ្ឋសភា ព្រឹទ្ធសភា បណ្តាប្រទេស ដែលជាសមាជិកសភាតំបន់អាស៊ី ៤២ ប្រទេស គណៈប្រតិភូបណ្តាប្រទេសអ្នកសង្កេតការណ៍ចំនួន១៦ប្រទេស និងអង្កការដៃគូរសភាតំបន់អាស៊ីចំនួន១០ ។
សភាតំបន់អាស៊ី (Asian Parliamentary Assembly)បានបង្កើតឡើងនៅឆ្នាំ២០០៦ ដោយបានប្តូរឈ្មីមកពីសមាគមន៍សភាអាស៊ីដើម្បីសន្តិភាព (The Association of Asian Parliaments for Peace) ដែលហៅកាត់ថា AAPP បានបង្កើតឡើងតាំងីឆ្នាំ១៩៩៩មក ។
សភា កម្ពុជា ជាប្រទេសស្ថាបនិក AAPP មួយដែរ ។ បន្តបេសកម្មពី AAPP ,APPA មានបេសកម្មភាព និងគោលបំណងជំរុញនូវសុខសន្តិភាព និងសមាជហរណកម្មសម្រាប់តំបន់ អាស៊ីទាំងមូលតាមយន្តការសភា ។
សូមជម្រាបថា សភានៃព្រះរាណាចក្រកម្ពុជា ធ្លាប់បានទទួលធ្វើជាម្ចាស់ផ្ទះនៃមហាសន្និ បាតសភាតំបន់អាស៊ី ចំនួន២ ឆ្នាំជាប់គ្នា គឺមហាសន្និបាតសភាតំបន់អាស៊ីលើកទី៨ ក្នុងឆ្នាំ២០១៥ និងលើកទី៩ ក្នុងឆ្នាំ២០១៦ ។
គណៈប្រតីភូនឹងចូលជូបសម្តែងការគួរសម ជាមួយប្រធានរដ្ឋសភាតួគីថ្មីហើយនឹងចូល សម្តែងការគួរសម ជាមួយប្រធានព្រឹទ្ធសភប៉ាគីស្ថាន ដែលនឹងត្រូវធ្វើជាប្រធានAPA បន្តពីទួកគី ។ លោក ងួន ញ៉ិល បានដឹកនាំគណៈប្រតិភូសភាកម្ពុជាចេញពីមាតុប្រទេសកាលពីល្ងាចថ្ងៃទី២៧ ខែវិច្ឆិកា ឆ្នាំ២០១៨ ៕
ចែករំលែកព័តមាននេះ