រាជធានីភ្នំពេញ ៖ ទោះបីមិនបាននិយាយចំឈ្មោះលោក សម រង្ស៊ី អតីតប្រធានគណបក្សប្រឆាំងយ៉ាងណាក្តី សម្តេចតេជោ ហ៊ុន សែន បានអះអាងកាលបាតុកម្មកាលពីឆ្នាំ២០១៣ បើមេបាតុករឈានមួយជំហ៊ានដល់បន្ទាត់ក្រហមនោះនឹងមានការវាយប្រហារតបពីកម្លាំងសមត្ថកិច្ច ។
ការលើកឡើងរបស់សម្តេចតេជោនេះ គឺជាការរំឮកដល់ការធ្វើបាតុកម្មកររបស់ក្រុមប្រឆាំងដែលដឹកនាំដោយសារ សម រង្ស៊ី និងលោក កឹម សុខា បាននាំគ្នាធ្វើបាតុកម្មករប្រឆាំង និងលទ្ធផលបោះឆ្នោតឆ្នាំ២០១៣រហូតដល់ឲ្យសម្តេចចុះចេញពីដំណែងទាំងស្របច្បាប់ថែមទៀត ។
ថ្លែងក្នុងពិធីជួបសំណេះសំណាលជាមួយកម្មករ-កម្មការនី១៧៩១២នាក់មកពីរោងចក្រ សហគ្រាស ចំនួន១២ នៅក្នុងខេត្តកណ្តាល សម្តេចតេជោក៏បានគូររំលឹកថា«សម្រាប់ការបោះឆ្នោតឆ្នាំ២០១៨ បើព្រៀបធៀបនឹងការបោះឆ្នោត២០១៣ នោះគ្ គឺបើគិតនៅពេលនេះកំពុងទ្រុលចុះទ្រុលឡើង(បាតុកម្ម) ចង់ផ្តួលរំលំ រហូតដល់ប្រើពាក្យថា «ហ៊ុន សែន អើយចុះចេញទៅ» ។ អាបោះឆ្នោតចាញ់គេ សោះឲ្យគេចុះចេញ ។ ហែងចង់ដឹងបើពេលនឹងបើហែងមិនគេចមិនឲ្យរហ័សទេ ហែងងាប់បាត់ហើយ ! អាញប្រាប់ ធ្វើបុណ្យហែងទេ ។ តែហែងពូករត់ក៏ពូកែ ពូកែស្រែកក៏ពូកែ រត់ក៏លឿនតែគ្រាន់គេ មិនដេញទេ ! ឲ្យហែងរត់សិន អាញក៏មិនចង់សម្លាប់ឯងដែរ » ។
សម្តេចក៏បានគូសបញ្ជាក់ថា« ប៉ុន្តែបើពួកឯងឈានមួយជំហាន ដល់បន្ទាត់ក្រហមនោះ ពួកអ្នកឯងនឹងត្រូវបានហាយប្រហារឆ្លើយតបដែរ ។ ព្រោះថា រដ្ឋាភិបាលមួយមិនអាចឲ្យអ្នកណា ផ្តួលរំលំតាមរយៈធ្វើបាតុកម្មចឹញ្ចើមផ្លូវនោះទេ ! ឥលូវនេះដល់អស់ពួកធ្មិលអស់សាសនានេះ កម្មករឡើងប្រាក់ខែ។ដែលកាលពីមុនពួកនឹង(ប្រឆាំង)ថាប្រាក់ខែកម្មករឡើងបានដោយសារគេទាមទា តែឥលូវអត់មានពួកនឹងប្រាក់កម្មករនៅតែឡើងតើវាយ៉ាងម៉េចវិញ? នេះកាន់តែ បញ្ហាក់កាត់ច្បាស់ហើយក្មួយៗ» ៕
ចែករំលែកព័តមាននេះ