រាជធានីភ្នំពេញ ៖ សម្តេចតេជោ ហ៊ុន សែន បានអះអាងយ៉ាងដាច់ខាតថា ក្នុងរបបលទ្ធិប្រជាធិបតេយ្យ មិនអាចឲ្យមតិភាពតិចមកដឹកនាំមតិភាគច្រើនជាដាច់ខាត ប៉ុន្តែមតិភាគច្រើន ត្រូវគិតគូរដល់មតិភាគតិច ផងដែរ។ សម្តេចតេជោ បានថ្លែងក្នុងពិធីបិទសន្និបាតមហាសន្និបាតតំណាងទូទាំងប្រទេស លើកទី៤ សហភាពសហព័ន្ធយុវជនកម្ពុជា នារសៀលថ្ងៃទី២៧ ខែវិច្ឆិកា នៅសណ្ឋាគារសុខា យ៉ាងដូច្នេះថា «មិនអាចឲ្យសំឡេងភាគតិចមកដឹកនាំសំឡេងភាគច្រើនបានទេ។ នេះវាខុសពីទម្លាប់ ហើយទម្លាប់នេះហើយ ដែលបង្កើតរឿងឈឺចាប់នៅក្នុងឆ្នាំ២០១៣ ដែលសំឡេងភាគតិច (បក្សប្រឆាំំង) មានបំណងកាន់កាប់ទាំងស្រុងទៅលើរដ្ឋសភា»។
សម្តេចតេជោបានលើកឡើងទៀតថា៖ « សុំប្រាប់ថា នៅលើលោកកីយ៍នេះគ្មានប្រទេសណាមួយឲ្យសំឡេងភាគតិចធ្វើប្រធានរដ្ឋសភានោះទេ។ ពួកគេធ្វើ នូវកិច្ចការដែលជាកិច្ចការអកុសល ហើយនេះជាកម្មពារបស់គេទេ ដែលគេត្រូវបានបំផ្លាញ ហើយឥឡូវនេះរឿងបំផ្លាញនេះត្រូវបានរកឃើញជាក់លាក់»។ សម្តេចតេជោ ក៏បានលើកឡើងថា រឿងសមូសហភាពត្រូវមិនត្រូវធ្វើតែឯងនោះទេ គឺត្រូវធ្វើការពិភាក្សាគ្នា។ ប៉ុន្តែនៅពេលមាន សេចក្តី សម្រេចជាក់លាក់រួចហើយ បុគ្គលម្នាក់ត្រូវរៀបចំទទួលខុសត្រូវ ឧទាហរណ៍ ៖ ស.ស.យក ប្រធានត្រូវធ្វើអ្វី អនុប្រធានត្រូវធ្វើអ្វី។
អ្នកទាំងនោះត្រូវទទួលខុសត្រូវចំពោះសមូហភាពនោះ ដោយមិនអាចកោះហៅរឿងមួយៗនោះទេ។ ជាមួយគ្នានោះដែរ សម្តេចតេជោ ក៏បានលើកឡើងពីការ គ្រប់គ្រងគណបក្សប្រជាជន កម្ពុជាថា សម្តេចមិនដែលទៅសុំមតិទៅគណបក្ស នូវរឿងដែលគណបក្ស បានផ្តល់ការឯកភាពគ្នារួចមកហើយនោះទេ តាមរយៈក្របខណ្ឌគោលនយោបាយ និងយុទ្ធសាស្ត្ររបស់ រាជរដ្ឋាភិបាល ទេ។ សម្តេចបានបញ្ជាក់ថា «នាយករដ្ឋមន្ត្រីយកការសម្រេចចិត្ត ទទួលចំពោះមុខ គណបក្ស និងជាទិដ្ឋភាពផ្ទៃក្នុង ក៏ប៉ុន្តែត្រូវទទួលខុសចំពោះមុខរដ្ឋសភា ផ្លូវរដ្ឋ ហើយរដ្ឋមន្ត្រីត្រូវទទូល ខុសត្រូវចំពោះតួនាទីរបស់គេ»។
សម្តេចតេជោក៏បានលើកឡើងថា ប្រសិនបើមានការយករបស់ សមូហភាព បុគ្គលដាច់ដោយឡែកទៅឡូកឡំគ្នានោះនឹងមានការបែកបាក់។ ក្នុងឱកាសនោះដែរ សម្តេចតេជោ ក៏បានឲ្យអ្នកទាំងអស់គ្នាចងចាំនូវទស្សនប្រវត្តិសាស្ត្រ ដែលបានចែងឲ្យបានជាប់ជានិច្ច។ សម្តេចថា នៅក្នុងពេលវេលានៃការស្វែងយល់នូវបញ្ហា ឬការបូកសរុបនូវបញ្ហា ហើយព្យាករណ៍សម្រាប់ ដាក់ទៅអនាគតកុំភ្លេចនូវទស្សនប្រវត្តិសាស្ត្រ។ សម្តេចតេជោថា ៖«ដើម្បីវាយតម្លៃនូវសភាពការណ៍ ដែលកន្លងហួស រួចហើយព្យាករណ៍សភាពការនៅពេលខាងមុខ និងដាក់ចេញភារកិច្ចនៅពេលខាងមុខ និងទិសដៅនៅពេលអនាគតកុំភ្លេចនូវទស្សនប្រវត្តិសាស្ត្រ»៕
ចែករំលែកព័តមាននេះ