រាជធានីភ្នំពេញ ៖ ឡាំប្រឺតាឥណ្ឌាមួយគ្រឿងបានក្រឡាប់ផ្ងារជើងសង្កត់ទៅសង្កត់ម៉ូតូម៉ាកគុបជ្រុង មួយគ្រឿងទៀត ជាប់ខាងក្រោម ខណៈដែលភ្លើងស្តុបពណ៌ខៀវអនុញ្ញាតឲ្យធ្វើដំណើរឆ្លងកាត់ ហើយត្រូវបានម៉ូតូម៉ាស៊ុយហ្សុយគីស្មាស់មួយគ្រឿងទៀត បើករំលោភភ្លើងស្តុបពណ៌ក្រហម ហើយបោះពួយក្នុងល្បឿនយ៉ាងលឿនមកបុក ទំនងជាប្រញាប់ខ្លាំងណាស់នោះ។…
រាជធានីភ្នំពេញ ៖ ឡាំប្រឺតាឥណ្ឌាមួយគ្រឿងបានក្រឡាប់ផ្ងារជើងសង្កត់ទៅសង្កត់ម៉ូតូម៉ាកគុបជ្រុង មួយគ្រឿងទៀត ជាប់ខាងក្រោម ខណៈដែលភ្លើងស្តុបពណ៌ខៀវអនុញ្ញាតឲ្យធ្វើដំណើរឆ្លងកាត់ ហើយត្រូវបានម៉ូតូម៉ាស៊ុយហ្សុយគីស្មាស់មួយគ្រឿងទៀត បើករំលោភភ្លើងស្តុបពណ៌ក្រហម ហើយបោះពួយក្នុងល្បឿនយ៉ាងលឿនមកបុក ទំនងជាប្រញាប់ខ្លាំងណាស់នោះ។ ករណីគ្រោះថ្នាក់ចរាចរនេះដែរ បានកើតឡើងកាលពីវេលាម៉ោង៤ និង១៥នាទីល្ងាច ថ្ងៃទី២៧ ខែវិច្ឆិកា ឆ្នាំ ២០១៨ នៅត្រង់ចំណុចភ្លើងស្តុប ផ្លូវR6 (ក្នុងតំបន់បឹងកក់) ក្នុងសង្កាត់ស្រះចក ខណ្ឌដូនពេញ។
តាមប្រភពព័ត៌មានពីនគរបាលបានប្រាប់ឱ្យដឹងថា មុនពេលកើតហេតុ ខណៈពេលដែលភ្លើងសញ្ញាចរាចរ ពណ៌ខៀវនោះគេបានឃើញឡាំប្រឺតាឥណ្ឌា ពណ៌ស គ្មានស្លាកលេខមួយគ្រឿង បើកបរដោយបុរសម្នាក់ ក្នុងទិសដៅពីត្បូងទៅជើងតែម្នាក់ឯង។ លុះឆ្លងកាត់ភ្លើងស្តុបដល់ចំណុចពាក់កណ្តាលផ្លូវនោះ ក៏ស្រាប់តែមានម៉ូតូម៉ាក ស៊ុយហ្សុយគីស្មាស ពណ៌ខ្មៅ ពាក់ស្លាកលេខ ភ្នំពេញ ១L-២១៨៤ មួយគ្រឿង បើកបរដោយយុវជនម្នាក់ ដោយមានដឹកក្តារចំនួន២បន្ទះខាងក្រោយផងដែរ បានបោះពួយក្នុងល្បឿន យ៉ាងលឿន ក្នុងទិសដៅពីលិចទៅកើត ខណៈពេលដែលភ្លើងស្តុបពណ៌ក្រហម។
បានទៅបុកឡាំប្រឺតា ឥណ្ឌាមួយគ្រឿងខាងលើក្រឡាប់ និងខ្ទាតទៅសង្កត់លើម៉ូតូម៉ាកគូបជ្រុង ពណ៌ទឹកប្រាក់ ពាក់ស្លាកលេខ ភ្នំពេញ១AW-១៥៣០ មួយគ្រឿងទៀតដែលកំពុងតែឈប់ភ្លើងស្តុប នៅលើផ្លូវម្ខាងសង្កត់ជាប់ខាងក្រោម តែសំណាងល្អមិនបានបង្ករឲ្យមានមនុស្សណាម្នាក់រងគ្រោះថ្នាក់។ ក្រោយពេលកើតហេតុ កម្លាំងមានសម្ថកិច្ចមូលដ្ឋានក៏បានចុះទៅដល់កន្លែងកើតហេតុ ធ្វើការវាស់វែង រីឯម៉ូតូទាំង២គ្រឿង និង ឡាំប្រឺតាឥណ្ឌា យកទៅទុកលើចិញ្ចើមផ្លូវដើម្បីធ្វើការដោះស្រាយគ្នា។ ដោយភាគីខាងម៉ូតូបង្ក យល់ព្រមយកឡាំប្រឺតាឥណ្ឌា និងម៉ូតូម៉ាកគូបជ្រុង យកទៅធ្វើការជួសជុលឲ្យបញ្ចប់រឿងនៅនឹងកន្លែង កើតហេតុភ្លាមៗផងដែរ៕
ចែករំលែកព័តមាននេះ