ខេត្តតាកែវ ៖ ជនជាតិចិនប្រុសស្រីចំនួន២៣៥នាក់ដែលបានមកជួលផ្ទះប្រជាពលរដ្ឋរួចពួនសម្ងំធ្វើចាប់ជម្រិតតាមប្រព័ន្ធអ៊ីនធឺណែតប្រមាណជា២ខែមកហើយនោះត្រូវនាយកដ្ឋានប្រឆាំងភេរវកម្មនឹងឧក្រឹដ្ឋកម្មឆ្លងដែនបានចុះមកសហការណ៌ជាមួយនគរបាលខេត្តតាកែវ និងមានកាសម្របសម្រួលពីព្រះរាជអាជ្ញារងខេត្តបានធ្វើការបង្ក្រាបនៅព្រឹកថ្ងៃទី២៦ ខែវិច្ឆិកា ឆ្នាំ២០១៨ វេលាម៉ោង០៩និង៣០នាទី កម្លាំងជំនាញស្នងការដ្ឋាននគរបាលខេត្តតាកែវចំនួន១០៥នាក់ ។
លោកឧត្តមសេនីយ៍ទោ សុខ សំណាង ស្នងការនគរបាលខេត្តបានអោយដឹងថា ថ្ងៃនេះកម្លាំងរបស់យើងបានសហការណ៌គ្នាធ្វើការបង្ក្រាបទីតាំងចាប់ជម្រិតតាមប្រព័ន្ធអ៊ីនធឺណែតចំនួន០៤ទីតាំងផ្សេងគ្នាក្នុងនោះ ទីតាំងទី១-ស្ថិតនៅភូមិបុស្សតាផង់ ឃុំត្រពាំងក្រញូង ស្រុកត្រាំកក់ ឃាត់ខ្លួនជនជាតិចិនចំនួន៦៣នាក់ ស្រី០៧នាក់ ។ ទីតាំងទី២-ស្ថិតនៅភូមិបុស្សតាផង់ ឃុំត្រពាំងក្រញូង ស្រុកត្រាំកក់ ឃាត់ខ្លួនជនជាតិចិន ចំនួន១២នាក់(ប្រុស) ។ ទីតាំងទី៣-ស្ថិតនៅភូមិតាំងដូង ឃុំតាំងដូង ស្រុកបាទី ឃាត់ខ្លួនជនជាតិចិនចំនួន៧០នាក់ ស្រី២៤នាក់ ។ ទីតាំងទី៤-ស្ថិតនៅភូមិព្រៃក្រាយ ឃុំតាំងដូង ស្រុកបាទី ឃាត់ខ្លួនជនជាតិចិន ចំនួន៩០នាក់ ស្រី០៥នាក់ ។ សរុបទាំង០៤ទីតាំងចំនួន២៣៥នាក់ ស្រី៣៦នាក់ ។
ក្រោយពីធ្វើកាបង្ក្រាបរួចរាល់ជនជាតិចិនទាំងអស់នោះព្រមទាំងវត្ថុតាងពាក់ព័ន្ធបានប្រគល់ជូនកម្លាំងនាយកដ្ឋានប្រឆាំងភេរវកម្ម និងឧក្រិដ្ឋកម្មឆ្លងដែន នៃអគ្គស្នងការដ្ឋាននគរបាលជាតិយកទៅក្រសួងមហាផ្ទៃដើម្បីចាត់ការ ៕
ចែករំលែកព័តមាននេះ