ខេត្តព្រៃវែង ៖ សេចក្តីរាយការណ៍បឋមឲ្យដឹងថា កាលពីវេលាម៉ោង៤ទៀបភ្លឺឈានចូលថ្ងៃទី២៧ វិច្ឆិកានេះមាននារីម្នាក់ដាច់ចិត្តចង.ក ធ្វើអត្តឃាតសម្លាប់ខ្លួននៅដើមព្រីង ខាងជើងផ្ទះ ក្រោមហេតុផលថា នាងខឹងរឿងសង្សាបែកចិត្ត ។…
ខេត្តព្រៃវែង ៖ សេចក្តីរាយការណ៍បឋមឲ្យដឹងថា កាលពីវេលាម៉ោង៤ទៀបភ្លឺឈានចូលថ្ងៃទី២៧ វិច្ឆិកានេះមាននារីម្នាក់ដាច់ចិត្តចង.ក ធ្វើអត្តឃាតសម្លាប់ខ្លួននៅដើមព្រីង ខាងជើងផ្ទះ ក្រោមហេតុផលថា នាងខឹងរឿងសង្សាបែកចិត្ត ។
ហេតុការនោះបានកើតឡើងនៅភូមិសំព័រ ឃុំព្រៃទទឹង ស្រុកមេសាង ខេត្តព្រៃវែង ។ ជនរងគ្រោះឈ្មោះ ល ស.ម ភេទស្រី អាយុ២១ឆ្នាំ មានទីលំនៅភូមិឃុំកើតហេតុខាងលើនេះ ។
តាមសាក្សីក្រុមគ្រួសារនារីរងគ្រោះបានរៀបរាប់ប្រាប់សមត្ថកិច្ចឲ្យដឹងថា ប៉ុន្មានថ្ងៃនេះគេបានកត់សម្គាល់លើនារីរងគ្រោះមានសភាពមួម៉ៅខឹងសង្សារបែកចិត្ត ហើយចេះតែនិយាយប្រាប់គេឯងថា នាងមិនចង់រស់ ។ លុះស្រាប់តែវេលាជិតភ្លឺនាងចង.ក សម្លាប់ខ្លួននៅដើមឈើក្រោយផ្ទះ ។ ដូច្នោះកាលដែលនាងរងគ្រោះសម្រេចចិត្តបញ្ចប់ជីវិតខ្លួនឯង ទាំងនៅភាពវ័យក្មេងនោះ គឺពិតជាបណ្តាលមកពីសង្សារគេបែកចិត្តមែន ។
សំខាន់ទៀតនោះមុន និងជនរងគ្រោះចង.ក ធ្វើអត្តឃាតសម្លាប់ខ្លួននាងបានសរសេរសំបុត្រ១ច្បាប់ចាត់ទុកជាបណ្តាំចុងក្រោយសម្រាប់ជីវិតនាងដែលបានលះបង់ចិត្តកាយស្រឡាញ់បុរសម្នាក់នោះ តែទីបំផុតត្រូវគេសុំបែក ។ ខ្លឹមសារទាំងស្រុងក្នុងលិខិតបណ្តាំចុងក្រោយនោះមិនត្រូវបានគេបង្ហាញជាសាធារណៈឡើយ ។ ចំណែកសពជនរងគ្រោះត្រូវបានក្រុមគ្រួសារចាត់ចែងធ្វើបុណ្យតាមប្រពៃណី ផងដែរ ៕
ចែករំលែកព័តមាននេះ