ខេត្តក្រចេះ ៖ បើតាមសេចក្តីរាយការណ៍បឋមបានឲ្យដឹងថា ក្មេងប្រុសម្នាក់បានចាប់អោបថើបក្មេងស្រីអាយុ៣ឆ្នាំ តែត្រូវឪពុកក្មេងស្រីរងគ្រោះឃើញទាន់ក៏វាយក្មេងប្រុសនោះរងរបួស កាលពីម៉ោង៨យប់ ថ្ងៃទី២៥ វិច្ឆិកា ២០១៨ ស្ថិតនៅស្រុកស្នួល…
ខេត្តក្រចេះ ៖ បើតាមសេចក្តីរាយការណ៍បឋមបានឲ្យដឹងថា ក្មេងប្រុសម្នាក់បានចាប់អោបថើបក្មេងស្រីអាយុ៣ឆ្នាំ តែត្រូវឪពុកក្មេងស្រីរងគ្រោះឃើញទាន់ក៏វាយក្មេងប្រុសនោះរងរបួស កាលពីម៉ោង៨យប់ ថ្ងៃទី២៥ វិច្ឆិកា ២០១៨ ស្ថិតនៅស្រុកស្នួល ខេត្តក្រចេះ ។
សេចក្តីរាយការណ៍បន្តថា ជនសង្ស័យខាងលើឈ្មោះ ស៊ឹន ផានិត ភេទប្រុស អាយុ១៣ឆ្នាំ មានទីលំនៅភូមិព្រែកក្តី ឃុំ្នស្នួល ស្រុកស្នួល ខេត្តក្រចេះ ចំណែកក្មេងស្រីរងគ្រោះអាយុ៥ឆ្នាំ (ជាអនីតិជន) ។
សេចក្តីរាយការណ៍ឲ្យដឹងថា មុនពេលកើតហេតុនៅម៉ោង៨យប់ក្មេងប្រុសសង្ស័យខាងលើកំពុងធ្វើសកម្មភាពអោបថើបក្មេងស្រីរងគ្រោះអាយុ៣ឆ្នាំ ខណៈពេលនោះឪពុកក្មេងស្រីក៏បានទៅទាន់ឃើញច្បាស់នឹងភ្នែក ទើបខឹងពេកក៏ស្ទុះទៅវាយដោយដៃទៅលើក្មេងប្រុសនោះ បណ្តាលឲ្យរងរបួសបែកមាត់ និងពកក្បាល២កន្លែង ។
បន្ទាប់មកក្រុមគ្រួសារក៏បានបញ្ជូនក្មេងប្រុសខាងលើទៅសម្រាកព្យាបាលនៅមន្ទីរពេទ្យបង្អែកស្នួល ស្ថិតនៅក្នុងការគ្រប់គ្រងពីសាច់ញាតិជាបណ្តោះអាសន្ន នៅពេលក្មេងប្រុសនេះមានសុខភាពល្អ ទើបសមត្ថកិច្ចបន្តនីតិវិធីលើការចោទប្រកាន់ពាក់ព័ន្ធករណីរំលោភសេពសន្ថវៈ និងហិង្សាដោយចេតនានោះ៕
ចែករំលែកព័តមាននេះ