ខេត្តព្រះវិហារ ៖ អគី្គភ័យឆាបឆេះរោងស្លជ័រធ្វើចន្លុះមួយកន្លែងបណ្តាលឲ្យឆេះម៉ត់គ្មានសល់ នៅកណ្តាលក្រុងព្រះវិហារបង្កការភ្ញាក់ផ្អើលកាលពីវេលាម៉ោង២និង៣០នាទីឈានចូលថ្ងៃទី២៥ ខែវិច្ឆិកា ឆ្នាំ២០១៨ ស្ថិតក្នុងភូមិស្រះឈូក សង្កាត់កំពង់ប្រណាក ក្រុងព្រះវិហារ ខេត្តព្រះវិហារ…
ខេត្តព្រះវិហារ ៖ អគី្គភ័យឆាបឆេះរោងស្លជ័រធ្វើចន្លុះមួយកន្លែងបណ្តាលឲ្យឆេះម៉ត់គ្មានសល់ នៅកណ្តាលក្រុងព្រះវិហារបង្កការភ្ញាក់ផ្អើលកាលពីវេលាម៉ោង២និង៣០នាទីឈានចូលថ្ងៃទី២៥ ខែវិច្ឆិកា ឆ្នាំ២០១៨ ស្ថិតក្នុងភូមិស្រះឈូក សង្កាត់កំពង់ប្រណាក ក្រុងព្រះវិហារ ខេត្តព្រះវិហារ តែ សំណាងល្អមិនបានបង្កឲ្យមនុស្សណាម្នាក់ ឬអ្នកជិតខាងណាម្នាក់រងគ្រោះថ្នាក់នោះឡើយ ដោយសារតែកម្លាំងនគរបាលស្នងការដ្ឋានខេត្តព្រះវិហារ អន្តរាគមន៍ជួយពន្លត់ទាន់ពេលវេលា ។
យោងតាមការលើកឡើងរបស់លោកឧត្តមសេនីយ៍ត្រី ឆយ បូរិន នាយសេនាធិការដ្ឋាន នៃស្នងការដ្ឋាននគរបាលខេត្តព្រះវិហារ បានឲ្យដឹងថា រោងស្លរជ័រសម្រាប់ធ្វើចន្លុះខាងលើជារបស់ឈ្មោះ លី ឈុនសុខម៉េង ភេទប្រុស អាយុ៥២ឆ្នាំ រស់នៅភូមិស្រះឈូក សង្កាត់កំពង់ប្រណាក ក្រុងព្រះវិហារ មានទំហំ៥ម៉ែត្រគុណនឹង១២ម៉ែត្រ ធ្វើអំពីឈើ ត្រូវបានភ្លើងឆាបឆេះម៉ត់ តែសំណាងល្អ សមត្ថកិច្ចនៃស្នងការដ្ឋាននគរបាលខេត្តព្រះវិហារបានធ្វើអន្តរាគមន៍ជួយពន្លត់ទាន់ពេលវេលា និងទប់ស្កាត់ភ្លើងមិនឲ្យរាលដាលឆាបឆេះ ឬប៉ះពាល់ដល់ផ្ទះអ្នកជិតខាងណាមួយឡើយ ។
លោកបានបន្តថា តាមការសន្និដ្ឋានរបស់សមត្ថកិច្ចបានឲ្យដឹងថា អគ្គីភ័យឆាបឆេះរោងខាលើគឺអាចបណ្តាលមកពីម្ចាស់រោងបានស្តុកទុកនូវអាចម៍ជ័រទឹកទុកចោលរយៈពេលយូរ ទើបបណ្តាលឲ្យមានចំហេះកើនឡើង នឹងឡើងកម្តៅផ្ទុះឡើងបង្កជាអគ្គីភ័យឆាបឆេះតែម្តង ។
សូមបញ្ជាក់ថា អគ្គីភ័យខាងលើនោះបានបណ្តាលឲ្យខូចខាតតែរោងស្លជ័រ១ខ្នងតែប៉ុណ្ណោះ ៕
ចែករំលែកព័តមាននេះ