សហរដ្ឋអាមេរិក ៖ ដោយអស់សង្ឃឹមពួកអន្តោប្រវេសន៍ប្រមាណជា៥០០នាក់ កាលពីថ្ងៃទី២៥ វិច្ឆិកា បានប៉ុនប៉ងពុំបានសម្រេច ក្នុងការលោតផ្លោះរបងព្រំដែនអាមេរិក នៅទីក្រុងTIJUANAភាគពាយ័ព្យម៉ិកស៊ិក តែត្រូវកងកម្លាំងការពារព្រំដែនអាមេរិករុញច្រាន ហើយបន្ទាប់មកបិទព្រំដែនរបស់ខ្លួន…
សហរដ្ឋអាមេរិក ៖ ដោយអស់សង្ឃឹមពួកអន្តោប្រវេសន៍ប្រមាណជា៥០០នាក់ កាលពីថ្ងៃទី២៥ វិច្ឆិកា បានប៉ុនប៉ងពុំបានសម្រេច ក្នុងការលោតផ្លោះរបងព្រំដែនអាមេរិក នៅទីក្រុងTIJUANAភាគពាយ័ព្យម៉ិកស៊ិក តែត្រូវកងកម្លាំងការពារព្រំដែនអាមេរិករុញច្រាន ហើយបន្ទាប់មកបិទព្រំដែនរបស់ខ្លួន នាភាគខាងត្បូងទីក្រុងសាន់ឌីយេហ្គោ រដ្ឋកាលីហ្វ័រនីញ៉ានោះ។
ពួកអន្ដោប្រវេសន៍អាមេរិកកណ្ដាលទាំងនេះ ដែលមាននារីនិងកុមារផង បានចូលរួមក្នុងបាតុកម្មដោយសន្តិវិធីមួយនៅជិតព្រំដែន រួចលើកគ្នាដើរឆ្ពោះទៅកាន់របាំងដែកព្រំដែន ហើយប៉ុនប៉ងសម្រុកចូលក្នុងដែនដីអាមេរិក។
ក្រោយឆ្លងកាត់ឧបសគ្គទីមួយនេះ ពួកអន្តោប្រវេសន៍រងការបាញ់ឧស្មន់បង្ហូរទឹកភ្នែក ចំណែកឧទ្ធម្ភាគចក្រទាំងឡាយរបស់កងទ័ពអាមេរិក ហោះក្រឡឹងព្រំដែនក្នុងកម្ពស់ទាបៗ ដោយជួនកាលហួសចូលក្នុងដែនអាកាសម៉ិកស៊ិក។ ពួកអន្តោប្រវេសន៍ភាគច្រើនបានបកក្រោយវិញ ប៉ុន្តែខ្លះទៀតបន្តរត់សំដៅរបាំងទី២ហើយតោងផ្លោះរបងលួស ដោយនៅក្រោយរបងនេះ កងឆ្មាំព្រំដែនអាមេរិកប្រមូលផ្ដុំគ្នាបញ្ឈប់ការរុលទៅមុខរបស់ពួកគេ៕
ចែករំលែកព័តមាននេះ