ខេត្តកំពង់ស្ពឺ ៖ បុរសម្នាក់បានកាប់ប្រហារបុរសម្នាក់ផ្សេងទៀតបណ្តាលឱ្យបានស្លាប់យ៉ាងអាណោចអាធ័ម ពេលកំពុងអង្គុយកើបអាចម៍នៅខាងក្រោមផ្ទះ ហើយមុនពេលកើតហេតុ ស្ត្រីជាប្រពន្ធជនរងគ្រោះឃើញដែរ តែមិនអាចជួយអ្វីបានឡើយ ។ ហេតុការណ៍ខាងលើនេះបានកើតឡើងកាលពីរសៀលថ្ងៃទី២៥ វិច្ឆិកា…
ខេត្តកំពង់ស្ពឺ ៖ បុរសម្នាក់បានកាប់ប្រហារបុរសម្នាក់ផ្សេងទៀតបណ្តាលឱ្យបានស្លាប់យ៉ាងអាណោចអាធ័ម ពេលកំពុងអង្គុយកើបអាចម៍នៅខាងក្រោមផ្ទះ ហើយមុនពេលកើតហេតុ ស្ត្រីជាប្រពន្ធជនរងគ្រោះឃើញដែរ តែមិនអាចជួយអ្វីបានឡើយ ។
ហេតុការណ៍ខាងលើនេះបានកើតឡើងកាលពីរសៀលថ្ងៃទី២៥ វិច្ឆិកា ឆ្នាំ២០១៨ នៅចំណុចភូមិអណ្តូងចំបក់ ឃុំវាលពង់ស្រុកឧដុង្គ ខេត្តកំពង់ស្ពឺ ។
ជនសង្ស័យឈ្មោះសែម សុង ភេទប្រុស អាយុ៤៧ឆ្នាំ រស់នៅភូមិព្រៃទទឹង ឃុំវាលពង់ ចំណែកជនរងគ្រោះដែលស្លាប់ឈ្មោះ ហុង ហេង ភេទប្រុស អាយុ៤០ឆ្នាំ រស់ភូមិឃុំកើតហេតុខាងលើ។
ប្រភពពីសមត្ថកិច្ចបានអោយដឹងថា មុនពេលកើតហេតុ ជនសង្ស័យបានទៅលេងផ្ទះក្មួយស្រីឈ្មោះរុន មុំអាយុ២៨ឆ្នាំ ដែលរស់នៅភូមិកើតហេតុ ពេលនោះជនសង្ស័យបានផឹកស្រា.សអស់១ដប ស្រាប់តែដើរទៅយកកាំបិតផ្គាក់នៅចង្ក្រានបាយ ហើយក៏ ដើរសំដៅទៅផ្ទះជនរងគ្រោះ រួចកាប់ទៅលើជនរងគ្រោះបណ្តាលឱ្យស្លាប់នៅនឹងកន្លែងតែម្តង ។
តាមការៀបរាប់របស់ប្រពន្ឋជនរងគ្រោះបានឱ្យដឹងថា ប្តីរបស់គាត់កំពុងកើបអាចម៍គោនៅខាងក្រោមផ្ទះ ពេលនោះគាត់អង្គុយលើគ្រែបានឃើញជនសង្ស័យកាន់កាំបិតសំដៅមករកប្តីរបស់គាត់ដែរ ហើយគាត់ក៏ស្រែកសុំកាំបិតថាយកទៅកាប់អុស តែជនសង្ស័យមិនអោយ ក៏ស្ទុះទៅកាប់ប្តីរបស់គាត់ ដែលកំពុងអង្គុយកើបអាចម៍គោនៅខាងក្រោមផ្ទះរបស់ខ្លួនបណ្តាលអោយស្លាប់យ៉ាងអាណោចអាធ័មបំផុត។
តាមការត្រួតពិនិត្យនៅកន្លែងកើតហេតុ ជនសង្ស័យបានយកកបិតផ្គាក់ ដងឬស្សី កាប់ទៅលើជនរងគ្រោះ ត្រូវមួយកាំបិតចំកញ្ចឹងក បណ្តាលអោយស្លាប់មួយរំពេច។
ក្រោយកើតហេតុ ជនសង្ស័យមិនបានរត់ទៅណានោះទេ ហើយត្រូវបានសាច់ញាតិជនរងគ្រោះចាប់ខ្លួនប្រគល់អោយសមត្ថកិច្ច។
យោងតាមការបំភ្លឺរបស់ឈ្មោះហឿន រ៉េម ភេទស្រី អាយុ៤៨ឆ្នាំ ដែលត្រូវជាបងស្រីរបស់ជនសង្ស័យ និងឈ្មោះ សុង សៅរី ភេទស្រី អាយុ២៧ឆ្នាំ ត្រូវជាកូនស្រីរបស់ជនសង្ស័យ រស់នៅភូមិព្រៃទទឹង ឃុំវាលពង់ ស្រុកឧដុង្គ ខេត្តកំពង់ស្ពឺ បានអោយដឹងថា ជនសង្ស័យជាមនុស្សមានជំងឺសរសៃប្រសាទ ដោយមានលិខិតបញ្ជាក់ពីគ្រូពេទ្យ ហើយជនសង្ស័យក៏ជាមនុស្សញៀនស្រាផងដែរ។
នៅព្រឹកថ្ងៃទី២៦ វិច្ឆិកា បន្ទាប់ពីកសាងសំណុំរឿងរួចរាល់ សមត្ថកិច្ចបានបញ្ជូនជនសង្ស័យមកកាន់ការិយាល័យព្រហ្មទណ្ឌចាត់ការតាមនីតិវិធី៕
ចែករំលែកព័តមាននេះ