រាជធានីភ្នំពេញ ៖ ជំងឺរាក គឺជារឿងធម្មតានៅក្នុងប្រទេសកំពុងអភិវឌ្ឍន៍ដោយសារតែម្ហូបអាហារមិនមានការលាងសម្អាតបានល្អ និងរៀបចំទុកដាក់ឲ្យបានត្រឹមត្រូវ។ មនុស្សភាគច្រើននៅតែចូលចិត្តញ៉ាំអាហារតាមចិញ្ចើមផ្លូវ ព្រោះវាមានតំលៃថោកហើយឆ្ងាញ់ និងងាយស្រួលរក បើទោះបីជាពួកគេដឹងថា វាអាចធ្វើឱ្យរាកក៏ដោយ។ មនុស្សអាចគិតថា ជំងឺរាកមិនមែនជាបញ្ហាធ្ងន់ធ្ងរនោះទេ ប៉ុន្តែតាមពិតទៅមានបញ្ហាលាក់បាំងជាច្រើនដែលពាក់ព័ន្ធនឹងជំងឺរាក។
១- ខាតពេលវេលា៖
នៅពេលដែលអ្នករាក អ្នកប្រាកដជាត្រូវការទៅបន្ទប់ទឹកញឹកញាប់ ដូច្នេះហើយវាធ្វើឱ្យអ្នកខាតបង់ពេលវេលាជាច្រើន និងធ្វើឱ្យអ្នកគ្មានកម្លាំងធ្វើការ។
២- ខាតប្រាក់កាក់៖
ប្រសិនបើអ្នកមានជំងឺរាក ប៉ុន្តែមិនសូវធ្ងន់ធ្ងរ អ្នកប្រហែលជាត្រូវចំណាយប្រាក់តែបន្តិចបន្តួចប៉ុណ្ណោះទៅលើថ្នាំពេទ្យ។ ប៉ុន្តែបើសិនជាអ្នកមានជំងឺរាកធ្ងន់ធ្ងរ និងយូរថ្ងៃ អ្នកប្រហែលជាត្រូវចំណាយប្រាក់ច្រើនដើម្បីព្យាបាលកុំឱ្យវាកាន់តែធ្ងន់ធ្ងរ។ យើងទាំងអស់គ្នាសុទ្ធតែដឹងហើយថា ពេលវេលាគឺជាមាសប្រាក់។ ពេលដែលអ្នកឈឺកាន់តែយូរហើយមិនអាចធ្វើការបាន អ្នកនឹងបាត់បង់ប្រាក់រឹតតែច្រើន។
៣- វាធ្វើឱ្យអ្នកបាត់បង់ថាមពល៖
រាងកាយបាត់បង់បរិមាណជាតិទឹកច្រើននៅពេលអ្នកមានជំងឺរាក ដែលជាហេតុបណ្តាលឱ្យអ្នកខ្វះជាតិទឹក។ អ្នកប្រាកដជាអស់កម្លាំងហើយឃ្លាន និងមិនមានទឹកចិត្តដើម្បីបញ្ចប់ការងាររបស់អ្នកនោះទេ។ អ្វីដែលអ្នកចង់ធ្វើ គឺចំណាយពេលពេញមួយថ្ងៃសម្រាកនៅលើគ្រែដើម្បីយកកម្លាំង។ បើទោះបីអ្នកមិនមែនជាអ្នកដែលមានជំងឺរាកក៏ដោយ អ្នកក៏ត្រូវចំណាយថាមពលជាច្រើន ដើម្បីមើលថែមនុស្សជាទីស្រឡាញ់របស់អ្នកដែរ។ ឪពុកម្តាយអាចនឹងមិនបានគេងគ្រប់គ្រាន់នៅពេលដែលកូនរបស់ពួកគាត់មានជំងឺរាក។
៤- ភាពអាម៉ាស់៖
អ្នកទាំងអស់គ្នាអាចរងគ្រោះដោយសារជំងឺរាកនៅពេលណាមួយ។ វាអាចធ្វើឱ្យយើងមាន
អារម្មណ៍អាម៉ាស់ខ្លាំងណាស់។ វាអាចបង្អាក់អ្នកពីការងាររបស់អ្នក និងធ្វើឱ្យអ្នកមានអារម្មណ៍
អាម៉ាស់នៅក្នុងចំណោមមនុស្សជុំវិញអ្នក។
៥- ការថប់បារម្ភ៖
យើងអាចនឹងមានអារម្មណ៍ធុញថប់នៅពេលដែលយើងមានជំងឺរាក។ បន្ថែមពីលើការឈឺពោះ យើងក៏មានការភ័យព្រួយនៅពេលដែលត្រូវចេញទៅខាងក្រៅផងដែរ។ វាអាចធ្វើឱ្យឥរិយាបថសង្គមរបស់យើងក៏ដូចជាការអនុវត្តការងាររបស់យើងធ្លាក់ចុះ បើយើងនៅតែរាក និងមិនបានព្យាបាលភ្លាមៗ។
ប្រសិនបើអ្នកគិតថា អត្ថបទនេះមានប្រយោជន៍ហើយចង់ទទួលបានគន្លឹះថែរក្សាសុខភាព និងការរំលឹកដែលមានប្រយោជន៍ប្រចាំសប្ដាហ៍ សូម Like និងតាមដានទំព័រហ្វេសប៊ុក
‘Home Medicine powered by IPSEN’ របស់យើង!
ចែករំលែកព័តមាននេះ