ខេត្តកំពត៖ យោងតាមសេចក្តីរាយការណ៍ពីមន្ទីរទេសចរណ៍ខេត្តបានឲ្យដឹងថា រយៈពេល៣ថ្ងៃនៃព្រះរាជពិធីបុណ្យអុំទូក អកអំបុក និងសំពះព្រះខែ ចាប់ពីថ្ងៃទី២១-២២-២៣ ខែវិច្ឆិកា ឆ្នាំ២០១៨ ភ្ញៀវទេសចរជាតិនិងអន្តរជាតិសរុបចំនួន៩០.៥២៣នាក់កើនឡើង១៨,០៩% បើធៀបនិងឆ្នាំ២០១៧កន្លងមក…
ខេត្តកំពត៖ យោងតាមសេចក្តីរាយការណ៍ពីមន្ទីរទេសចរណ៍ខេត្តបានឲ្យដឹងថា រយៈពេល៣ថ្ងៃនៃព្រះរាជពិធីបុណ្យអុំទូក អកអំបុក និងសំពះព្រះខែ ចាប់ពីថ្ងៃទី២១-២២-២៣ ខែវិច្ឆិកា ឆ្នាំ២០១៨ ភ្ញៀវទេសចរជាតិនិងអន្តរជាតិសរុបចំនួន៩០.៥២៣នាក់កើនឡើង១៨,០៩% បើធៀបនិងឆ្នាំ២០១៧កន្លងមក ក្នុងនោះភ្ញៀវទេសចរជាតិមានចំនួន៨៨.០០៦នាក់ និងភ្ញៀវទេសចរអន្តរជាតិមានចំនួន២.៥១៧ នាក់ ។
ដោយឡែកគោលដៅរមណីយដ្ឋានទេសចរចំនួន២កន្លែងដែលភ្ញៀវទេសចរទៅលេងកំសាន្តច្រើនជាងគេគឺ ១-តំបន់រមណីយដ្ឋានទេសចរធម្មជាតិទឹកឈូ មានភ្ញៀវទេសចរទៅលេងកំសាន្តសរុបចំនួន៣៨.៥៦៩នាក់ ។
និង២-តំបន់រមណីយដ្ឋានឋានសួគ៌បូកគោមានភ្ញៀវទេសចរទៅលេងកំសាន្តសរុបចំនួន៣៣.៩១៥នាក់។ ក្រៅពីភ្ញៀវទៅលេងកំសាន្តនៅរមណីយដ្ឋានទាំង២ខាងលើនេះនៅមានរមណីយដ្ឋានជាច្រើនកន្លែងទៀតដែលភ្ញៀវទៅលេងកំសាន្តផងដែរ។
ចំពោះសភាពការណ៍ទូទៅនៅតាមតំបន់រមណីយដ្ឋាននានាក៏ដូចជាហាង ភោជនីយដ្ឋាននិងផ្ទះសំណាក់ផងដែរមានសភាពប្រព្រឹត្តទៅដោយដោយរលូនពុំមានបាតុភាពអ្វីកើតឡើងពីភ្ញៀវគួរឲ្យចាប់អារម្មណ៍នោះទេក្នុងរយៈពេល៣ថ្ងៃនេះ។
សំរាប់សេវាកម្មស្នាក់នៅរយៈពេល៣ថ្ងៃនេះ ផ្ទះសំណាក់មានភ្ញៀវចូលស្នាក់ពេញទាំងអស់ហើយតម្លៃនៃការស្នាក់នៅថោកសមរម្យ មិនឡើងថ្លៃតាមអំពើចិត្តឡើយ។
រីឯសេវាកម្មម្ហូបអាហារនិងសេវាកម្មផ្សេងៗទៀតក៏មិនមានបាតុភាពពីតម្លៃខុសប្រក្រតី នោះឡើយ ចំណែកចរាចរសណ្តាប់ធ្នាប់នៅលើផ្លូវសាធារណៈក៏មិនកកស្ទះដូចឆ្នាំមុនៗនោះដែរ ។
កំលាំងសមត្ថកិច្ចនគរបាលក្រោមការចាត់បញ្ជាពីលោកឧត្តមសេនីយទោ ម៉ៅ ចន្ទ័មធុរិទ្ធ ស្នងការនគរបាលខេត្ត គឹកងកំលាំងបានរៀបចំមិនឲ្យមានការកកស្ទះយានយន្តគ្រប់ប្រភេទពេលភ្ញៀវទេសចរធ្វើដំណើរមកលេងកំសាន្តនោះឡើយ ៕
ចែករំលែកព័តមាននេះ