ខេត្តកំពត ៖ កោះសន្តិភាពធ្លាប់បានចុះផ្សាយពីជីវិតដ៏លំបាកនៃ អ្នកម្តាយជរា និងកូនស្រីពិការតាំងពីកំណើត ដែលម្តាយឈ្មោះម៉ា ក្រឹម អាយុ៩០ឆ្នាំ និងកូនស្រីពិការឈ្មោះម៉ី ផាន អាយុ៦០ឆ្នាំ នៅ ភូមិច្រេស ឃុំបឹងសាលាខាងត្បូង ស្រុកកំពង់ត្រាច។ បន្ទាប់ពីការ ចុះផ្សាយរួចមក ក៏មានសប្បុរសជនជាច្រើននាក់ចុះទៅដល់ផ្ទះដ៏ តូចរបស់លោកយាយ ដោយមានអំណោយប្រគល់ជូនលោកយាយជាម្តាយ និងកូនជា ហូរហែ។ កាលពីឆ្នាំ២០០៩ ដោយការជួយផ្តល់អំណោយមួយប្រាវនេះ ធ្វើ ឱ្យលោកយាយជាម្តាយ និងកូនមានក្តីសង្ឃឹមក្នុងការបន្តជីវិតរស់ ទៀត ប៉ុន្តែពិតណាស់គ្មានអ្នកណាម្នាក់ជួយចិញ្ចឹមឬផ្តល់ជាអំណោយ រាល់ខែនោះទេ។ បន្ទាប់ពីដាច់ការផ្តល់អំណោយនេះអស់មួយឆ្នាំនៅ រសៀលថ្ងៃទី១៨ តុលា លោកលី ហុកសេង មេបញ្ជាការកងរាជអាវុធហត្ថស្រុក កំពង់ត្រាច ក៏បាននាំយកអំណោយទៅជូនលោកយាយ និងកូនស្រី ក្នុង នោះមានលុយ៥ម៉ឺនរៀល មី១កេស ត្រីខមួយយួរ ទឹកស៊ីអ៊ីវ១យួរ អង្ករ ២០គីឡូក្រាម។
លោកលី ហុកសេង មានប្រសាសន៍ថា លោកធ្លាប់បាន ដឹងរឿងម្តាយ និងកូនពិការនេះតាមរយៈការផ្សាយរបស់កោះសន្តិភាព ហើយ លោកក៏មានការចាប់អារម្មណ៍តែកាលនោះលោកមិនទាន់មកខេត្តកំពតទេ ទើបតែនៅឆ្នាំ២០១០ នេះត្រូវបានថ្នាក់លើប្រគល់ភារកិច្ចឱ្យលោកមក ខេត្តកំពត ហើយក៏បាននឹកឃើញដល់រឿងលោកយាយម្តាយជរា និងកូនស្រី ពិការហើយមានអាយុវែងនេះ។ ទោះបីជាអំណោយនេះតិចតួចក្តីក៏នេះ ជាការបង្ហាញនូវទឹកចិត្តសប្បុរសធម៌របស់លោកចំពោះលោកយាយទាំង២ នាក់ ម្តាយ និងកូនដែរ។ សូមបញ្ជាក់ថា លោកយាយម៉ា ក្រឹម មានតែកូន២ នាក់ ដែលកូនទី១ ឈ្មោះម៉ី ផុត ភេទប្រុស បច្ចុប្បន្នអាយុ៧១ឆ្នាំ ជាអាចារ្យវត្ត និងទី២គឺកូនស្រីម៉ី ផាន ដែលពិការនេះតែម្តង៕
ចែករំលែកព័តមាននេះ