ខេត្តព្រៃវែង ៖ សង្វៀនបញ្ជាល់មាន់២កន្លែង ត្រូវបានសមត្ថកិច្ចចុះបង្ក្រាបកាលពីល្ងាចថ្ងៃទី២៥ វិច្ឆិកា លទ្ធផលទីតាំងទី១.នៅចំណុចមាត់បឹងទ្រាំង ចម្ងាយ៣០០ម៉ែត្រ ខាងកើតភូមិមេសរប្រចាន់ ឃុំមេសរប្រចាន់ ស្រុកពារាំង រឹបអូសយកបានមាន់២ក្បាល ជញ្ជីងថ្លឹង១ កន្ត្រកដាក់មាន់២ ចំណែកម្ចាស់ និងអ្នកលេងគេចខ្លួនបាត់ ។
ទីតាំងទី២ បង្ក្រាបនៅចំណុចក្នុងចម្ការចេកក្រោយភូមិមេលោង ឃុំព្រៃស្នៀត ស្រុកពារាំង ខេត្តព្រៃវែង រឹបអូសបានមាន់២ក្បាល ជញ្ជីងថ្លឹងមាន់១ បំពង់ទឹកក្តៅ១ និងស្បៃចងរុំមួយចំនួន ចំណែកអ្នកលេង និងម្ចាស់មាន់ រត់បាត់ស្រមោល។
សរុបមាន់៤ក្បាលដែលម្ចាស់វារត់ចោល បានក្លាយជាមាន់សម្លរបស់សមត្ថកិច្ច(ងាប់) ហើយជញ្ជីងថ្លឹង២គ្រឿង បំពង់ទឹកក្តៅ១ កន្ត្រកដាក់មាន់២ ព្រមទាំងស្បែចងហ៊ុំព័ទ្ធទីតាំងជល់មាន់ ត្រូវបានយកទៅរក្សាទុកនៅអធិការស្រុកពារាំង ដើម្បីបញ្ជាក់ពីស្នាដៃ និងជាភស្តុតាងនៅពេលចុះបង្ក្រាប៕
ចែករំលែកព័តមាននេះ