រើសរើសអេតចាយយូរទៅក៏បែកគំនិតលួចទើបត្រូវបែបនេះ
- កណ្តាល
ខេត្តកណ្ដាល ៖ មុខរបរដើររើសអេតចាយទោះបីក្រមែនតែមានសេចក្តីសុខបានយូរអង្វែង នេះមកពីចង់មានឆាប់ទើបដាច់ចិត្តចូលចម្ការលួចម៉ាស៊ីនគោយន្តគេបម្រុងយកលក់ទីបំផុតម្ចាស់គេតាមទាន់ចាប់ឲ្យប៉ូលិសចាត់ការតាមច្បាប់តែម្តង ។ ហេតុការនេះកាលពីវេលាម៉ោង៥ និង៣០នាទីថ្ងៃទី២៤ វិច្ឆិកានេះមានបុរស២នាក់ត្រូវបានសមត្ថកិច្ចឃាត់ខ្លួនពាក់ពន្ធករណីចូលលួចម៉ាស៊ីនគោយន្ត និងទ្រព្យសម្បត្តិអ្នកដ៏ទៃ ស្ថិតនៅភូមិកណ្តាល…
ជនសង្ស័យដែលសមត្ថកិច្ចឃាត់ខ្លួនម្នាក់ឈ្មោះ ញ៉ែម ពុទ្ធមិនា ភេទប្រុស អាយុ២២ឆ្នាំ មុខរបរមិនពិតប្រាកដ ទីលំនៅភូមិបឹង ជន្លេន ឃុំឬស្សីជ្រោយ ស្រុកមុខកំពូល ខេត្តកណ្តាល និងម្នាក់ឈ្មោះ រត្ន័ សៀ ភេទប្រុស អាយុ២២ឆ្នាំ មុខរបរមិនពិតប្រាកដ មានទីលំនៅភូមិព្រែកអញ្ចាញ ឃុំព្រែក អញ្ចាញ ស្រុកមុខកំពូល ខេត្តកណ្តាល (អ្នករើសអេតចាយ) ។ ជនរងគ្រោះជាម្ចាស់របស់ឈ្មោះ ឃាង ផល្លា ភេទប្រុស អាយុ៣៥ឆ្នាំ មុខរបរកសិករ មានទីលំនៅភូមិឃុំកើតខាងលើ ។
សម្ភារៈដែលជនសង្ស័យបម្រុងលួចយកទៅនោះមានម៉ាស៊ីនគោយន្ត១គ្រឿង និងក្បាលបូមទឹកចំនួន១ ។ សមត្ថកិច្ចឲ្យដឹងថា នៅវេលាម៉ោង៤សៀលជនសង្ស័យទាំងពីរនាក់បានជិះម៉ូតូ១គ្រឿង ម៉ាក Wave ដោយមានអូសរ៉ឺម៉កអេតចាយ១គ្រឿងផងបានជិះចេញពីភូមិឈើទាល ឃុំព្រែក អញ្ចាញ ស្រុកមុខកំពូលឆ្ពោះមកភូមិកណ្តាល ឃុំកោះចូរ៉ាម ស្រុកខ្សាច់កណ្តាល ក្នុងគោលបំណងដើរលួចទ្រព្យសម្បត្តិអ្នកដទៃ ។ លុះដល់វេលាម៉ោង៥និង៣០នាទីល្ងាចថ្ងៃដដែលជនសង្ស័យបានជិះម៉ូតូចូលចម្ការស្វាយរបស់ជនរងគ្រោះ ហើយបានឃើញម៉ាស៊ីនគោយន្ត និងក្បាលបូមទឹកនៅក្នុងនោះក៏ជនសង្ស័យនាំគ្នាលើកដាក់លើរ៉ឺម៉កម៉ូតូ និងបានជិះចេញ ក្នុងគោលដៅលួចរបស់អ្នកដ៏ទៃយកទៅលក់ ។
ប៉ុន្តែនៅពេលពួកគេជិះទៅដល់មុខវត្តកោះចូរ៉ាមក៏ត្រូវជនរងគ្រោះតាមទាន់ និងបានស្រែកឆោឡោឡើង ដើម្បីឲ្យប្រជាពលរដ្ឋជួយចាប់ឃាត់ទុក និងជូនដំណឹងទៅសមត្ថកិច្ចនគរបាលប៉ុស្តិ៍កោះចូរ៉ាមឲ្យជួយអន្តរាគមន៍ព្រមទាំងឃាត់ខ្លួនជនសង្ស័យបញ្ជូនទៅកាន់នគរបាលស្រុក ដើម្បីបន្តចាត់ការតាមនីតិវិធី ៕
ចែករំលែកព័តមាននេះ