សហភាពអឺរ៉ុប-អង់គ្លេស ៖ មេដឹកនាំបណ្ដាប្រទេសជាសមាជិកសហភាពអឺរ៉ុប កាលពីថ្ងៃទី២៥វិច្ឆិកា បានជួបប្រជុំគ្នានៅទីក្រុងព្រុចសែល នាឱកាសកិច្ចប្រជុំកំពូលពិសេសមួយអនុម័តកិច្ចព្រមព្រៀង ប្រវត្តិសាស្ត្រស្ដីពីការដកខ្លួនថយរបស់អង់គ្លេសចេញពីសហភាពអឺរ៉ុប។ ប៉ុន្តែការដកខ្លួនថយនេះដែលចរចាគ្នា ក្នុងភាពឈឹចាប់អស់រយៈពេល១៧ខែមកហើយ រវាងក្រុងឡុងដ៏និងក្រុងព្រុចសែល…
សហភាពអឺរ៉ុប-អង់គ្លេស ៖ មេដឹកនាំបណ្ដាប្រទេសជាសមាជិកសហភាពអឺរ៉ុប កាលពីថ្ងៃទី២៥វិច្ឆិកា បានជួបប្រជុំគ្នានៅទីក្រុងព្រុចសែល នាឱកាសកិច្ចប្រជុំកំពូលពិសេសមួយអនុម័តកិច្ចព្រមព្រៀង ប្រវត្តិសាស្ត្រស្ដីពីការដកខ្លួនថយរបស់អង់គ្លេសចេញពីសហភាពអឺរ៉ុប។
ប៉ុន្តែការដកខ្លួនថយនេះដែលចរចាគ្នា ក្នុងភាពឈឹចាប់អស់រយៈពេល១៧ខែមកហើយ រវាងក្រុងឡុងដ៏និងក្រុងព្រុចសែល នៅត្រូវឆ្លងកាត់ការផ្ដល់សច្ចាប័ន របស់សភាអឺរ៉ុបហើយជាពិសេសរបស់សភាអង់គ្លេស មុនចូលជាធរមាននាថ្ងៃទី២៩មីនាខាងមុខនេះ។
លោកស្រីTHERESA MAY នាយករដ្ឋមន្ត្រីអង់គ្លេស ក្នុងអត្ថបទមួយចេញផ្សាយកាលពីថ្ងៃទី២៥វិច្ឆិកានិយាយថា នោះជាកិច្ចព្រមព្រៀងមួយសម្រាប់អនាគតដ៏ប្រសើរ ដែលអាចឲ្យយើងចាប់យកបណ្ដាកាលានុវត្តភាព ដែលយើងទន្ទឹងរង់ចាំ។
មេដឹកនាំនៃប្រទេសជាសមាជិកសហភាពអឺរ៉ុប២៧ រួមប្រជុំគ្នានាព្រឹកថ្ងៃទី២៥ វិច្ឆិកា ដោយគ្មានអង់គ្លេស ដើម្បីអនុម័តសន្ធិសញ្ញាដកខ្លួនថយនេះ។មេដឹកនាំទាំងនោះក៏នឹងអនុម័តផងដែរ សេចក្ដីថ្លែងការណ៍នយោបាយមួយ ភ្ជាប់នឹងសន្ធិសញ្ញានោះ។
មុនជួបពិភាក្សាជាមួយលោកស្រីMAY ប្រធានក្រុមប្រឹក្សាអឹរ៉ុប លោកDONALD TUSKបានសរសេរតាមTWITTERថា បណ្ដាមិត្តនៅតែជាមិត្តនឹងគ្នារហូតដល់ទីបញ្ចប់៕
ចែករំលែកព័តមាននេះ