ខេត្តបន្ទាយមានជ័យ ៖ សេចក្តីរាយការណ៍បន្តថា ទាក់ទិនករណីព្រះសង្ឃ១អង្គដែលស្ថិតក្នុងរថយន្តមួយគ្រឿង មានប្រឡាក់ឈាមពេញនោះគិតត្រឹមម៉ោង១០ព្រឹកថ្ងៃទី២៤ វិច្ឆិកា ដដែលនេះ គឺត្រូវបានមន្ត្រីធម្មការសង្ឃធ្វើការសម្រេចចាប់ផ្សឹកហើយ ដើម្បីប្រគល់ជូនទៅសមត្ថកិច្ច មានចំណាត់ការបន្តតាមផ្លូវច្បាប់…
ខេត្តបន្ទាយមានជ័យ ៖ សេចក្តីរាយការណ៍បន្តថា ទាក់ទិនករណីព្រះសង្ឃ១អង្គដែលស្ថិតក្នុងរថយន្តមួយគ្រឿង មានប្រឡាក់ឈាមពេញនោះគិតត្រឹមម៉ោង១០ព្រឹកថ្ងៃទី២៤ វិច្ឆិកា ដដែលនេះ គឺត្រូវបានមន្ត្រីធម្មការសង្ឃធ្វើការសម្រេចចាប់ផ្សឹកហើយ ដើម្បីប្រគល់ជូនទៅសមត្ថកិច្ច មានចំណាត់ការបន្តតាមផ្លូវច្បាប់ ខណៈត្រូវបានស្រាវជ្រាវដឹងថា សង្ឃនេះបានយកដែកឆាបទៅចាក់លើស្ត្រីម្នាក់នោះ ដោយសារតែរឿងប្រចណ្ឌ ។
សេចក្តីរាយការណ៍បន្តថា សង្ឃអង្គនេះគង់នៅវត្តស្វាយចាស់ ក្នុងភូមិកំពង់ស្វាយ សង្កាត់ព្រះពន្លា ក្រុងសិរីសោភ័ណ ឈ្មោះទន់ សាវន អាយុ៥២ឆ្នាំ ។ ដោយឡែក ស្ត្រីរងគ្រោះត្រូវគេដឹងថា ជាអាជីវករប្តូរប្រាក់និងវេប្រាក់វីង នៅក្នុងភូមិផ្សារកណ្តាល ឈ្មោះសេង ផល្លា អាយុ៤៦ឆ្នាំ របួសធ្ងន់ ពេលនេះបានចេញទៅប្រទេសថៃ ដើម្បីព្យាបាលរបួស ។
ប្រភពបន្តថា សមត្ថកិច្ចនៅមិនទាន់ដឹងការទំនាក់ទំនងរបស់សង្ឃដែលចាប់ផ្សឹកជាមួយស្ត្រីរងរបួសនោះមានដល់កម្រិតណានោះទេ ដោយបច្ចុប្បន្នសមត្ថកិច្ចកំពុងសាកសួរបន្ត ។
ព័ត៌មានបន្ថែមនឹងមានផ្សាយជូនបន្ត ។
គួររំលឹកថា មានរឿងអ្វីនេះ?…ឃើញសង្ឃ១អង្គនិងមានឈាមកក្លាក់ពេញក្នុងឡាននេះ
ចែករំលែកព័តមាននេះ