ឃាត់ខ្លួនជនសង្ស័យឆក់៦នាក់ ប្រមូលផ្តុំលាក់ខ្លួននៅផ្ទះសំណាក់
- ភ្នំពេញ
រាជធានីភ្នំពេញ ៖ ជនសង្ស័យឆក់ចំនួន៦នាក់ ត្រូវបានកម្លាំងនគរបាលខណ្ឌឫស្សីកែវ ស្រាវជ្រាវ ឃាត់ខ្លួន កាលពីវេលាម៉ោងប្រមាណ១២ថ្ងៃត្រង់ ថ្ងៃទី២២ ខែវិច្ឆិកា ឆ្នាំ២០១៨…
រាជធានីភ្នំពេញ ៖ ជនសង្ស័យឆក់ចំនួន៦នាក់ ត្រូវបានកម្លាំងនគរបាលខណ្ឌឫស្សីកែវ ស្រាវជ្រាវ ឃាត់ខ្លួន កាលពីវេលាម៉ោងប្រមាណ១២ថ្ងៃត្រង់ ថ្ងៃទី២២ ខែវិច្ឆិកា ឆ្នាំ២០១៨…
រាជធានីភ្នំពេញ ៖ ជនសង្ស័យឆក់ចំនួន៦នាក់ ត្រូវបានកម្លាំងនគរបាលខណ្ឌឫស្សីកែវ ស្រាវជ្រាវ ឃាត់ខ្លួន កាលពីវេលាម៉ោងប្រមាណ១២ថ្ងៃត្រង់ ថ្ងៃទី២២ ខែវិច្ឆិកា ឆ្នាំ២០១៨ នៅចំណុចផ្ទះសំណាក់ បឹងលាភ ផ្លូវបេតុងក្រុមទី៨ ភូមិទួលសំពៅ សង្កាត់ទួលសង្កែទី១ បន្ទាប់ពីធ្វើសកម្មភាពលួចមានស្ថាន ទម្ងន់ទោស (ជិះម៉ូតូឆក់ទូរស័ព្ទ) អ្នកដំណើរបានប្រមាណ៤ម៉ោងហើយ សម្ងំលាក់ខ្លួន នៅផ្ទះសំណាក់។ ជនសង្ស័យដែលត្រូវឃាត់ខ្លួន ១.ឈ្មោះ ថុន បុរី ភេទប្រុស អាយុ១៨ឆ្នាំ មុខរបរគ្មានស្នាក់នៅផ្ទះជួល គ្មានលេខ ផ្លូវលំ សង្កាត់ស្វាយប៉ាក មានផ្ទុកសារធាតុញៀន អ្នកបើកម៉ូតូឆក់។
២.ឈ្មោះ និត ចន្ថា ភេទប្រុស អាយុ១៩ឆ្នាំ មុខរបរជាងឡាន ស្នាក់នៅផ្ទះគ្មានលេខ ភូមិដួងសង្កាត់ព្រែកព្នៅ ខណ្ឌព្រែកព្នៅ ជាអ្នកធ្វើសកម្មភាពឆក់,៣.ឈ្មោះ ផេង ដារ៉ាត់ ភេទប្រុស អាយុ១៨ឆ្នាំ មុខរបរគ្មាន ស្នាក់នៅភូមិស្វាយ ឃុំឈ្វាំង ស្រុកពញាឮ, ៤-ឈ្មោះ គក់ រតនា ភេទប្រុស អាយុ១៨ឆ្នាំ មុខរបរជាងម៉ូតូ,៥.ឈ្មោះ រ៉ន រុំ ភេទប្រុស អាយុ១៨ឆ្នាំ និង៦-ឈ្មោះ ហម បញ្ញា ភេទប្រុស អាយុ១០ឆ្នាំ មុខរបរកម្មករ ស្នាក់នៅភូមិធំ សង្កាត់ព្រែកព្នៅ ខណ្ឌព្រែកព្នៅ។
តាមនគរបាលបានឲ្យដឹងថា ជនសង្ស័យត្រូវបានកម្លាំងនគរបាល ស្រាវជ្រាវឃាត់ខ្លួន បន្ទាប់ពីធ្វើសកម្មភាពឆក់ទូរស័ព្ទពីអ្នកដំណើរ បានប្រមាណ៤ម៉ោង។ នៅវេលាម៉ោង៨ និង៣០នាទីព្រឹក ថ្ងៃទី២២ ខែវិច្ឆិកា ជនសង្ស័យមានគ្នា ជិះម៉ូតូមួយគ្រឿង ម៉ាកប៊ីត ពណ៌ស លាយខៀវ ពាក់ស្លាកលេខ ភ្នំពេញ 1HD-2002 បានធ្វើសកម្មភាពឆក់ទូរស័ព្ទ នៅចំណុចមុខស្ថានីយប្រេងសាំងតេលា ផ្លូវ598 ក្នុងភូមិ4 សង្កាត់ច្រាំងចំរេះទី១ បានសម្រេច។ បន្ទាប់ពីឆក់ជនរងគ្រោះឈ្មោះ សុខ ភារម្យ ភេទប្រុស អាយុ៤០ឆ្នាំ ស្នាក់នៅផ្ទះលេខ089 ផ្លូវរថភ្លើងក្រុមទី9 ភូមិបឹងសាឡាង សង្កាត់ឫស្សីកែវ ក៏បានមកដាក់ពាក្យបណ្តឹង ហើយឈានឃាត់ខ្លួន បានជនសង្ស័យចំនួន៦នាក់ ដែលប្រមូលផ្តុំគ្នា លាក់ខ្លួន នៅផ្ទះសំណាក់។
តាមនគរបាលបានឲ្យដឹងថា ក្នុងប្រតិបត្តិការសមត្ថកិច្ចដកហូតបាន ម៉ូតូ២គ្រឿង ម៉ូតូម៉ាកប៊ីត ពណ៌សលាយខៀវមួយគ្រឿង ពាក់ស្លាកលេខ ភ្នំពេញ 1HD-2002 ជិះធ្វើសកម្មភាពមួយគ្រឿង និងម៉ាកហុងដាឌ្រីម C110 ពណ៌ខ្មៅមួយគ្រឿង ពាក់ស្លាកលេខ ភ្នំពេញ1BQ-1086,ទូរស័ព្ទចំនួន៤គ្រឿង។ ជនសង្ស័យ ត្រូវបានបញ្ជូនទៅកាន់អធិការដ្ឋាន ដើម្បីសាកសួរ និងចាត់ការតាមច្បាប់។ ចំណែកទូរស័ព្ទប្រគល់ឲ្យ ម្ចាស់វិញ៕
https://www.youtube.com/watch?v=8nS_FbH9SBM
ចែករំលែកព័តមាននេះ