ខេត្តព្រះសីហនុ ៖ ចំណុចទីតាំងចាស់លក់គ្រឿងសមុទ្រ នៅមុខប្រជុំផ្សារវាលរេញ នៅតែជាចំណុចក្តៅរបស់រដ្ឋបាលស្រុកព្រៃនប់ ក្នុងការរៀបចំសណ្តាប់ជាប្រចាំថ្ងៃ ស្របពេលដែលអាជីវករស្ទើរតែទាំងអស់ដែលលក់ដូរគ្រឿងសមុទ្រនៅទីនោះ បានបានសហការអនុវត្តន៍តាមការណែនាំរបស់រដ្ឋបាលស្រុក ទៅលក់នៅទីតាំងបេនឡាន ជាប់រង្វង់មូលសួនច្បារវាលរេញតាមការរៀបចំរបស់អាជ្ញាធរ។
លោក សរ កក្កដា អភិបាលស្រុកព្រៃនប់ បានឲ្យដឹងថា គិតត្រឹមថ្ងៃទី២៣ វិច្ឆិកា ២០១៨នេះ អ្នកលក់គ្រឿងសមុទ្រនៅចំណុចទីតាំងចាស់ តែម្នាក់ប៉ុណ្ណុះ ដែលមិនបានសហការក្នុងការរៀបចំសណ្តាប់ធ្នាប់នៅចំណុចនេះជាមួយអាជ្ញាធរ ដោយនៅលក់ទីតាំងចាស់ ស្របពេលដែលអាជីវករជាច្រើនទៀត ដែលលក់ដូរដូចគ្នាបានគោរពតាម ការណែនាំសហការណ៍ជាមួយរដ្ឋបាលស្រុក ហើយជាមួយគ្នានេះរដ្ឋបាលស្រុក និងមានវិធានការផ្លូវច្បាប់។
ជាក់ស្តែងលើអាជីវករម្នាក់ខាងលើ បើសិនជាអាជីវករនោះនៅតែងរឹងទទឹងមិនតាមអាជីវករដទៃទៀត ព្រោះការមិនអនុវត្តតាមរបស់អាជីវករតែម្នាក់ខាងលើ គឺនាំឲ្យប៉ះពាល់ដល់អាជីវករដទៃទៀតដែលពួកគាត់ មកលក់តាមការណែនាំ។ លោកអភិបាលស្រុកបានបន្តថា អ្វីៗដែលអាជ្ញាធរបានរៀបចំ គឺក្នុងគោលបំណង សណ្តាប់ធ្នាប់សាធារណៈ ដែលបម្រើផលប្រយោជន៍រួម ចៀសវាងការកកស្ទះចរាចរ ភ្ជាប់ជាមួយបរិស្ថានស្អាត ដែលទាំងនេះជាគោលដៅអភិវឌ្ឍន៍មូលដ្ឋាន ក្រោមការចង្អុលបង្ហាញពីឯឧត្តម អភិបាលខេត្ត៕
ចែករំលែកព័តមាននេះ