អាហ្រិ្វកខាងត្បូង ៖ តាមប្រភពព័ត៌មាន Metro បានឲ្យដឹងថា ក្មេងប្រុសអាយុ១១ឆ្នាំ ដែលធ្លាប់បានចុះផ្សាយនាពេលកន្លងមកថា ធាត់ខ្លាំង ហើយស៊ីមិនចេះឆ្អែតនោះ ពេលនេះបានស្លាប់បាត់បង់ជីវិតហើយ។…
អាហ្រិ្វកខាងត្បូង ៖ តាមប្រភពព័ត៌មាន Metro បានឲ្យដឹងថា ក្មេងប្រុសអាយុ១១ឆ្នាំ ដែលធ្លាប់បានចុះផ្សាយនាពេលកន្លងមកថា ធាត់ខ្លាំង ហើយស៊ីមិនចេះឆ្អែតនោះ ពេលនេះបានស្លាប់បាត់បង់ជីវិតហើយ។
Caden Benjamin មានជំងឺ Prader-Willi ដែលធ្វើឲ្យរូបគេមិនអាចដឹងខ្លួនពេលណាដែលត្រូវឆ្អែតនោះទេ។ ដូចនេះហើយ រូបគេចេះតែឃ្លានរហូតដល់ថ្នាក់ក្រដាសជូតមាត់ និងដី ក៏ស៊ីចូលដែរ។
ដោយសារតែភាពធាត់លើសកម្រិតរបស់ Caden ក្មេងកំសត់ម្នាក់នេះ ត្រូវស្ពាយធុងអុកស៊ីសែនជាប់ខ្លួន ដើម្បីឲ្យរស់។ ម្តាយរបស់គេ ត្រូវឈប់ពីការងារមកមើលថែកូនដែលកំពុងត្រូវការជំនួយ។
កាលពីនៅអាយុ១០ឆ្នាំ Caden មានទម្ងន់៩០គីឡូក្រាម ដែលធ្វើឲ្យមានបញ្ហាបេះដូងរីក ជំងឺទឹកនោមផ្អែម និងបញ្ហាធ្លាក់ទឹកចិត្ត។ នៅអាយុ១១ឆ្នាំ រូបគេបានស្លាប់នៅមន្ទីរពេទ្យ Steve Biko ក្នុងក្រុង Pretoria នៃខេត្ត Gauteng កាលពីថ្ងៃព្រហស្បត្តិ៍សប្តាហ៍មុន។
ម្តាយរបស់ Caden មានទុក្ខជាទម្ងន់ ដែលកន្លងមកបានធ្វើរឿងជាច្រើន ដើម្បីឲ្យកូនរស់។ តែទោះបីជាយ៉ាងណាក៏ដោយ គាត់បានប្រាប់ថា គាត់ចង់ឲ្យកូនគាត់ត្រូវបានគេចងចាំថា ជាក្មេងល្អ ដែលក្លាហាន៕
ចែករំលែកព័តមាននេះ