ខេត្តកំពត ៖ អ្នកនេសាទនាំគ្នាត្អួញត្អែរពីរបររកអ៊យស្ទ័រខ្សត់ខ្សោយមិនដូចមុន ហើយពេលនេះអ៊យស្ទ័រដូចជាអស់បណ្ដើរៗ ដល់តែចេញទៅកោះឆ្ងាយៗ ទើបរកបាន ដូច្នេះគាត់ក៏បានងាកមករកឈ្លើងថ្មសមុទ្រវិញ និងរបស់ពិសេសនៅបាតសមុទ្រ ដូចជាមានផ្កាថ្ម និងផ្សិតថ្មជាដើម។
បើតាមឱ្យដឹងពីបងប្រុសឈ្មោះ នុន វណ្ណៈ អាយុ៣៨ឆ្នាំ រស់នៅភូមិព្រែកអំពិល ឃុំកោះតូចស្រុកទឹកឈូ ខេត្តកំពត និយាយប្រាប់ឱ្យយដឹងថា គាត់ជាអ្នកនេសាទម្នាក់ ក្នុងចំណោមអ្នកនេសាទជាច្រីននាក់ទៀត បានជិះទូកទៅមុជទឹកសមុទ្រមានជម្រៅ៦ម៉ែត្រទៅ៧ម៉ត្ររកអ៊យស្ទ័រនៅបាតសមុទ្រ។ ហើយគាត់របរមុជទឹកដោយមានឧបករណ៍មុជទឹកស្វែងរកអ៊យស្ទ័រនេះមានរយៈពេល១០ឆ្នាំមកហើយ។
លោកនិយាយបន្តទៀតថា អ៊យស្ទ័រនេះ ពីមុនអ្នកភូមិហៅតែខ្យង នៅអែមជាប់នឹងថ្មទេ ក្រោយមកជនបរទេសបានហៅវាថា អ៊យស្ទ័ររហូតដល់មានឈ្មោះល្បាញល្បី មានទីផ្សារ មានតម្លៃអ៊យស្ទ័រចាប់10 តម្លៃ៣ពាន់រៀលទៅ៥ពាន់រៀល។ តែពេលនេះដូចជាអស់បណ្ដើរៗដល់ តែចេញទៅកោះឆ្ងាយៗទើបរកបាន។ បើទោះបីអ៊យស្ទ័រខ្សត់ខ្សយគាត់បានងាកមករកឈ្លើងថ្មសមុទ្រវិញ និងរបស់ពិសេសនៅបាតសមុទ្រមានផ្កាថ្ម និងផ្សិតថ្មជាដើម។
លោកនុន វណ្ណៈ បានបង្ហាញពីឈ្លើងថ្មសមុទ្រថា មានសារប្រយោជន៍ដល់កូនក្មេង និងមនុស្សចាស់ បើក្ដៅសាច់ ឬទាស់មិនដឹងមុខ ក៏អាចដុសជាមួយទឹកក្ដៅត្រជាក់សាច់ផងដែរ។ នេះជាឱសថបុរាណនៅបាត់សមុទ្រ។
ចំណែកលោកឈូក ផូរ ប្រធានសាលាឃុំកោះតូច បាននិយាយប្រាប់ឱ្យដឹងកាលពីថ្ងៃទី20 វិច្ឆិកានេះថា ប្រជាកសិកនៅឃុំកោះតូច ភាគច្រើនជាអ្នកនេសាទ។ ហើយបើតាមការពិនិត្យជាក់ស្ដែង ពីមុនសំបូរណាស់ គ្រាន់តែសំបកអ៊យស្ទ័រគរជាគំនរច្រើន តែឥឡូវដូចជាមិនសូវរកបានដូចមុនៗឡើយ។
ចែករំលែកព័តមាននេះ