ដឹងទេ! ថ្ងៃទី២នេះ ប្រជាពលរដ្ឋដើរកម្សាន្តច្រើនជាងថ្ងៃទី១ទៅទៀត
- ភ្នំពេញ
រាជធានីភ្នំពេញ ៖ ក្នុងឱកាសនៃព្រះរាជពិធីបុណ្យអុំទូក បណ្ដែតប្រទីប និងសំពះព្រះខែ អកអំបុក នៅថ្ងៃទី២ ត្រូវនឹងថ្ងៃទី២២ ខែវិច្ឆិកា ឆ្នាំ២០១៨…
រាជធានីភ្នំពេញ ៖ ក្នុងឱកាសនៃព្រះរាជពិធីបុណ្យអុំទូក បណ្ដែតប្រទីប និងសំពះព្រះខែ អកអំបុក នៅថ្ងៃទី២ ត្រូវនឹងថ្ងៃទី២២ ខែវិច្ឆិកា ឆ្នាំ២០១៨ នេះ មានប្រជាពលរដ្ឋចូលរួមទស្សនា និងដើរកម្សាន្តប្រមាណ១លាន៥សែននាក់ កើនជាងថ្ងៃទី១ ដែលមានប្រជាពលរដ្ឋចូលរួមកម្សាន្តត្រឹមតែប្រមាណ៦០ម៉ឺននាក់ប៉ុណ្ណោះ ។
បើតាមលោក ម៉េត មាសភក្តី អ្នកនាំពាក្យរដ្ឋបាលរាជធានីភ្នំពេញ បានឲ្យដឹងថា សម្រាប់ថ្ងៃទី២ នៃព្រះរាជពិធីបុណ្យអុំទូក បណ្ដែតប្រទីប និងសំពះព្រះខែ អកអំបុក មានបងប្អូនប្រជាពលរដ្ឋប្រមាណ១លាន៥សែននាក់ បានចូលរួមសប្បាយរីករាយ ក្រោមបរិយាកាសស្និតស្នាល កក់ក្តៅ និងសោមនស្សរីករាយក្រៃលែង។
លោក បន្តថា ការមកកំសាន្តច្រើន នេះបង្ហាញឱ្យឃើញថា ប្រជាពលរដ្ឋមានជំនឿលើសន្តិភាព មានភាពកក់ក្ដៅក្នុងចិត្ត មានជីវភាពធូរធារ ទើបបងប្អូនមានលទ្ធភាព ចូលរួមទទួលយកនូវភាព សប្បាយយ៉ាងច្រើនសន្ធឹកសន្ធាប់បែបនេះ ។
លោក ម៉េត មាសភក្តី បានបញ្ជាក់ថា ក្នុងរយៈពេល២ថ្ងៃនេះ បញ្ហាសន្តិសុខ សណ្តាប់ធ្នាប់ និងរបៀបរៀបរយ បានល្អ ដោយសារប្រជាពលរដ្ឋមានការចូលរួម និងយល់ដឹងខ្ពស់ ដូចជាការទុកដាក់បញ្ហាសំរាមជាដើម ៕
ចែករំលែកព័តមាននេះ