ចិន ៖ តាមប្រភពព័ត៌មាន Shanghaiist បានឲ្យដឹងថា និស្សិតស្រីស្រស់ស្អាតម្នាក់ត្រូវដេកពេទ្យ ព្រោះតែញ៉ាំមីច្រើនពេករយៈពេល៣សប្តាហ៍ជាប់គ្នា។ មូលហេតុនៅពីក្រោយការញ៉ាំមីនោះ គឺមកពីនាងចង់សន្សំលុយទុកជះនៅថ្ងៃបញ្ចុះតម្លៃពិសេសនៅចិន ដែលគេហៅថា «Single Day» កាលពីថ្ងៃទី១១ កន្លងមកនេះ។
នាងបានឆុងមីធ្វើជាអាហារជារៀងរាល់ពេលក្នុងមួយថ្ងៃៗ អស់រយៈពេល៣សប្តាហ៍ ក្នុងគោលបំណងទុកលុយទិញឥវ៉ាន់នៅថ្ងៃបញ្ចុះតម្លៃ។ តែអ្វីៗដែលនាងខំធ្វើ គឺត្រូវអាសារបង់ដោយសារតែនាងធ្លាក់ខ្លួនឈឺយកលុយទាំងនោះបង់ថ្លៃពេទ្យ។
និស្សិតស្រីឈ្មោះ Hang Jia ដែលរស់នៅក្នុងទីក្រុង Jiangsu ត្រូវបានបញ្ជូនទៅមន្ទីរពេទ្យ ដោយសារតែមានអាការៈគ្រុនក្តៅកម្រិតធ្ងន់។ រយៈពីរថ្ងៃក្រោយមក នាងក៏បានធូរស្រាល ហើយត្រឡប់ទៅរៀនដូចធម្មតាវិញ។ លុយដែលនាងសន្សំគឺម៉ត់អស់គ្មានសល់។ គេនៅមិនទាន់ដឹងច្បាស់ពីមូលហេតុនៃជំងឺនេះទេ។ តែគេអាចសន្និដ្ឋានបានថា ការហូបមីជាប់រាល់ថ្ងៃ បានចូលរួមចំណែកក្នុងរឿងនេះ។
ម្តាយរបស់នាងបានខឹងយ៉ាងខ្លាំង ក្រោយពីដឹងពីទង្វើបំផ្លាញសុខភាពរបស់នាង។ គាត់បានសរសេរបង្ហោះលើបណ្តាញសង្គម WeChat ថា នាងពិតជាសមនឹងទទួលរឿងបែបនេះ។ ចុងក្រោយអ្វីដែល Hang Jia អាចទិញបាន គឺម៉ាស់បាំងមុខមួយតែប៉ុណ្ណោះ៕ វីដេអូដកស្រង់ចេញពី ៖ Video Camps
ចែករំលែកព័តមាននេះ