បើតាម BBC បានផ្សាយឱ្យដឹងថា នាងក្រមុំឥណ្ឌូណេស៊ីម្នាក់ ដែលគូដណ្ដឹងស្លាប់ដោយសារធ្លាក់យន្តហោះក្នុងសមុទ្រ កាលពីចុងខែតុលាកន្លងមក បានបង្ហាញស្នាមញញឹមទាំងភាពក្ដុកក្ដួលក្នុងពេលរៀបការតែម្នាក់ឯង ។
នាង Intan Syari និងលោក Rio Nanda Pratama កំណត់ពេលរៀបអាពាហ៍ពិពាហ៍នៅថ្ងៃទី១១ វិច្ឆិកា ប៉ុន្តែលោក Pratama បានស្លាប់បាត់បង់ជីវិតដោយសារធ្លាក់យន្តហោះក្នុងពេលធ្វើដំណើរទៅរៀបការតាមជើងហោះហើរ «JT 610» របស់ក្រុមហ៊ុនអាកាសចរណ៍«Lion Air» កាលពីថ្ងៃទី២៩ តុលាកន្លងមក ដោយចាកចេញពីក្រុងហ្សាការតា ។
នាង Intan Syari បញ្ជាក់ថា «ខ្ញុំចង់បង្ហាញពីបំណងប្រាថ្នារបស់របស់គូដណ្ដឹង និងបង្ហាញរូបឈុតកូនក្រមុំ និងចិញ្ចៀននរៀបការតាមសំណើរបស់គូស្នេហ៍ ។ ទោះបីជាខ្ញុំមានអារម្មណ៍ដ៏សោកសៅក៏ដោយ ប៉ុន្តែព្យាយាមបង្ហាញស្នាមញញឹមដើម្បីឲ្យស្របតាមការបណ្តាំរបស់គូដណ្តឹងខ្ញុំ» ។
នាងIntan Syari បញ្ជាក់ពីបណ្ដាំរបស់គូដណ្តឹងថា «មុនពេលចេញដំណើរក្នុងយប់កើតហេតុ Pratama បាននិយាយក្នុងន័យកំប្លុកកំប្លែងថា បើគេធ្វើដំណើរទៅមិនទាន់ អូនត្រូវថតរូបអាពាហ៍ពិពាហ៍ និងបង្ហោះរូបភាពឲ្យមើលផង» ៕
ចែករំលែកព័តមាននេះ