ខេត្តបន្ទាយមានជ័យ ៖ យុវជនម្នាក់ត្រូវនគរបាលប៉ុស្តិ៍រដ្ឋបាលសង្កាត់ផ្សារកណ្តាលឃាត់ខ្លួន ខណៈកំពុងធ្វើការ ចែកចាយថ្នាំញៀនតាមដងផ្លូវនៅភូមិប្រជាធម្មលិច សង្កាត់ផ្សារកណ្តាល ក្រុងប៉ោយប៉ែត កាលពីរសៀល ថ្ងៃទី១៩ វិច្ឆិកា…
ខេត្តបន្ទាយមានជ័យ ៖ យុវជនម្នាក់ត្រូវនគរបាលប៉ុស្តិ៍រដ្ឋបាលសង្កាត់ផ្សារកណ្តាលឃាត់ខ្លួន ខណៈកំពុងធ្វើការ ចែកចាយថ្នាំញៀនតាមដងផ្លូវនៅភូមិប្រជាធម្មលិច សង្កាត់ផ្សារកណ្តាល ក្រុងប៉ោយប៉ែត កាលពីរសៀល ថ្ងៃទី១៩ វិច្ឆិកា ២០១៨។ ជនសង្ស័យឈ្មោះ ផាន សុខណាន អាយុ១៧ឆ្នាំ រស់នៅភូមិប្រជាធម្មលិច សង្កាត់និងក្រុង ប៉ោយប៉ែត។
សមត្ថកិច្ចឆែកឆេរយុវជនសង្ស័យរកឃើញថ្នាំញៀនម៉ាទឹកកកចំនួន២កូនថង់តូច មិនតែប៉ុណ្ណោះ មានទាំងកាំបិតសាំម៉ូរ៉ៃ២ដើមថែមទៀត និងឧបករណ៍វេចខ្ចប់ប្រើប្រាស់ថ្នាំញៀនមួយចំនួន។ លោកវរសេនីយ៍ឯក ធិន ស៊ិនដេត អធិការនគរបាលក្រុងប៉ោយប៉ែតប្រាប់ថា ករណីឃាត់ខ្លួនជនសង្ស័យនេះ ដោយសារមានសេចក្តីរាយការណ៍ពីពលរដ្ឋល្អ គាប់ជួនកម្លាំងប៉ុស្តិ៍ចុះល្បាតជិតនោះស្រាប់ លោកបញ្ជាឲ្យពិនិត្យមើលឃើញដូចសេចក្ដីរាយការណ៍មែន សមត្ថកិច្ចក៏ឃាត់ខ្លួនជនសង្ស័យ ជាមួយវត្ថុតាងខាងលើតែម្តង។
លោកអធិការបន្តថា ក្រោយសួរនាំរួច និងឲ្យជំនាញកសាងសំណុំរឿងបញ្ជូនជនសង្ស័យ និងវត្ថុតាងទៅការិយាល័យជំនាញនៃស្នងការដ្ឋាននគរបាលខេត្តដើម្បីចាត់ការបន្តតាមនីតិវិធីច្បាប់៕
ចែករំលែកព័តមាននេះ