រាជធានីភ្នំពេញ ៖ បុរសជនសង្ស័យជួញដូរគ្រឿងញៀនម្នាក់ ត្រូវបានកម្លាំងនគរបាលខណ្ឌដូនពេញ ចាប់ឃាត់ខ្លួន និងធ្វើការដកហូតថ្នាំញៀនបានចំនួន ២៧កញ្ចប់។ ប្រតិបត្តិការបង្ក្រាបគ្រឿងញៀននេះដែរ បានធ្វើឡើងកាលពីរសៀលថ្ងៃទី២០ ខែវិច្ឆិកា…
រាជធានីភ្នំពេញ ៖ បុរសជនសង្ស័យជួញដូរគ្រឿងញៀនម្នាក់ ត្រូវបានកម្លាំងនគរបាលខណ្ឌដូនពេញ ចាប់ឃាត់ខ្លួន និងធ្វើការដកហូតថ្នាំញៀនបានចំនួន ២៧កញ្ចប់។ ប្រតិបត្តិការបង្ក្រាបគ្រឿងញៀននេះដែរ បានធ្វើឡើងកាលពីរសៀលថ្ងៃទី២០ ខែវិច្ឆិកា ឆ្នាំ២០១៨នេះ នៅចំណុចផ្លូវព្រះស៊ីសុវត្ថិ កែងផ្លូវលេខ ១៧២ ក្នុងសង្កាត់ជ័យជម្នះ ខណ្ឌដូនពេញ។
តាមប្រភពព័ត៌មានបានប្រាប់ថា មុនពេលកើតហេតុ កម្លាំងមូលដ្ឋានបានធ្វើការល្បាតនៅក្នុងមូលដ្ឋានរបស់ខ្លួនដូចសព្វមួយដង។ លុះមកដល់ចំណុច កើតហេតុខាងលើ ក៏បានប្រទះឃើញបុរសជាជនម្នាក់ខាងលើកំពុងតែឈរ ដោយមានការសង្ស័យ ក៏ឃាត់សួរនាំ និងប្រទះឃើញថ្នាំញៀនចំនួន ២៧កញ្ចប់ រួមទាំងវត្ថុតាងមួយចំនួនទៀតនៅក្នុងថង់ខ្មៅ មួយកញ្ចប់ដែលជនសង្ស័យលាក់ក្នុងធុងសំរាមមួយក្បែរនោះផងដែរ។
ក្រោយពីប្រតិបត្តិការបង្ក្រាប គ្រឿងញៀនខាងលើនេះ បុរសជនសង្ស័យជាអ្នកជួញដូរគ្រឿងញៀនម្នាក់ខាងលើ រួមទាំងថ្នាំញៀនចំនួន ២៧កញ្ចប់ រួមទាំងវត្ថុតាងមួយចំនួនទៀត ត្រូវបាននាំទៅកាន់អធិការដ្ឋាននគរបាលខណ្ឌដូនពេញ ដើម្បីចាត់ការទៅតាមផ្លូវច្បាប់ជាបន្តទៅទៀត៕
ចែករំលែកព័តមាននេះ