តាមប្រភពព័ត៌មាន Metro បានឲ្យដឹងថា ក្រុមហ៊ុនអង់គ្លេសមួយចំនួន គ្រោងនឹងបញ្ចូលបន្ទះឈីបអេឡិចត្រូនិក សម្រាប់ដាក់ចូលទៅក្នុងរាងកាយរបស់បុគ្គលិក ។ ការធ្វើបែបនេះ គឺដើម្បីបង្កើននូវសន្តិសុខសុវត្ថិភាព។
ក្រុមហ៊ុនស៊ុយអែតផលិតឈីបសម្រាប់ដាក់ក្នុងរាងកាយមនុស្ស Biohax បានប្រាប់ Daily Telegraph ថា ក្រុមហ៊ុនច្បាប់ និង ក្រុមហ៊ុនហិរញ្ញវត្ថុជាច្រើនបានគិតគូរពីការដាក់បន្ទះឈីបទៅបុគ្គលិករបស់ពួកគេ។
ការធ្វើបែបនេះ អាចជួយដល់ការធ្វើការប្រចាំថ្ងៃ ដោយសារតែគេមិនចាំបាច់ត្រូវស្កេនកាត ឬ
ក្រយ៉ៅដៃ ពេលទៅធ្វើការម្តងៗ។ ពួកគេអាចប្រើប្រាស់ឈីបនេះ ដើម្បីសម្គាល់ខ្លួនពេលបើកគន្លឺះរថយន្ត ឬគន្លឹះទ្វារកន្លែងធ្វើការ ។ គេក៏អាចប្រើប្រាស់វាសម្រាប់ដឹងពីព័ត៌មានសុខភាពផ្ទាល់ខ្លួន នៅពេលជួយសង្គ្រោះបន្ទាន់ផងដែរ ។
ឈីបនោះ មានទំហំត្រឹមតែប៉ុនគ្រាប់អង្ករតែប៉ុណ្ណោះ ដែលអាចដាក់ចូលទៅក្នុងសាច់ចន្លោះម្រាមមេដៃ និង ចង្អុលដៃ ។ ខណៈនេះវាមានតម្លៃ១៥០ផោន (ជាង២០០ដុល្លារ) ក្នុងមួយបន្ទះ៕
ចែករំលែកព័តមាននេះ